અચાનક જ ખેતરમાં ઉતર્યા બે હેલિકોપ્ટર, બહાર નીકળ્યા સેનાના જવાન... લોકો આશ્ચર્યમાં!

મુરૈનાઃ મધ્યપ્રદેશના મુરૈના જિલ્લાના ભીમપુર ગામમાં શનિવારે બપોરે હડકંપ મચી ગયો હતો. જેમાં અચાનક જ 2 હેલિકોપ્ટર બપોરે ભીમપુર ગામમાં ઉતર્યા હતાં. જેમાંથી સેનાના જવાન એક પછી એક નીકળ્યા હતાં. આ દ્રશ્ય જોઈને ખેતરમાં કામ કરી રહેલા ખેડૂતો વચ્ચે અચાનક જ અફરાતફરીનો માહોલ સર્જાઈ ગયો હતો. જે પછી સમગ્ર ગામના લોકો હેલિકોપ્ટરને જોવા માટે એકઠા થઈ ગયા હતાં. જોકે, પછી ખબર પડી કે એક હેલિકોપ્ટરમાં ટેક્નીકલ ખરાબીના કારણે ઈમરજન્સી લેન્ડિંગ કરાવવી પડી હતી.

હેલિકોપ્ટરમાં આવી ટેક્નીકલ ખરાબી
હકીકતમાં શનિવારે દિલ્હીથી સેનાના બે હેલિકોપ્ટર ગ્વાલિયર માટે નીકળા હતાં. મુરૈના નજીક તેમાંથી એક હેલિકોપ્ટરમાં કોઈ ટેક્નિકલ ખરાબી આવી ગઈ હતી. જેના કારણે હેલિકોપ્ટરને મુરૈના જિલ્લાના ભીમપુર ગામના ખેતરમાં લેન્ડિંગ કરવામાં આવ્યુ હતું.

આ કારણે કર્યુ ઈમર્જન્સી લેન્ડિંગ
બન્ને હેલિકોપ્ટર ગામના ખેતરમાં ઉતર્યા હતાં. મુકુંદી જાટવ નામના ખેડૂતના ખેતરમાં હેલિકોપ્ટરનું ઈમરજન્સી લેન્ડિંગ કરવામાં આવ્યુ હતું. આશરે 1 કલાક સુધી હેલિકોપ્ટર ખેતરમાં ઉભા રહ્યા હતાં. બન્ને હેલિકોપ્ટરમાં સેનાના 10 જવાન અને 4 પાયલટનો સમાવેશ થાય છે. હેલિકોપ્ટરમાં આવેલી ટેક્નીકલ ખામીને સુધારવા માટે હેલિકોપ્ટર ગ્વાલિયર માટે ઉડ્યા હતાં.

તરત જ પહોંચી પોલીસ
આ પહેલા હેલિકોપ્ટર જેવા ખેતરમાં ઉતર્યા કે આસપાસના વિસ્તારોમાં હડકંપ મચ્યો હતો. હેલિકોપ્ટરને જોવા માટે મોટી સંખ્યામાં આસપાસના ગામ લોકો પણ એકઠા થઈ ગયા હતાં. જેવી સૂચના મળી કે તરત જ પોલીસ દળ પણ ઘટનાસ્થળે પહોંચી ગયા હતાં.