એપશહેર

શું સંસદની કેન્ટીનમાં હવે માત્ર શાકાહારી ભોજન જ મળશે? આ કારણે ઉઠી રહ્યા છે સવાલ...

Yogesh Gajjar | I am Gujarat 14 Jan 2020, 12:16 pm
ભારતીય રેલવેની સહાયક એકમ IRCTCને હવે ટૂંક સમયમાં સંસદની કેન્ટીનમાં ફૂડ સેવા આપવાનું બંધ કરવા માટે કહી શકાય છે. તેની જગ્યા કોઈ પ્રાઈવેટ કંપની લઈ શકે છે. જાણકારી મુજબ હલ્દીરામ અથવા બીકાનેરવાલામાંથી કોઈ કંપની સંસદમાં ફૂડ સર્વિસ આપવાનું શરૂ કરી શકે છે. તેનો મતલબ થયો કે સાંસદો માટે કેન્ટીનમાં હવે માત્ર શાકાહારી ભોજન લેવાની જ સુવિધા હશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: IRCTCને હાલના મહિનામાં સંસદમાં પરોસાતા ભોજનની ગુણવત્તા પર વધી રહેલી ચિંતાઓનો સામનો કરવો પડી રહ્યો છે. આ માટે તેણે નવા કેટરર્સની માગણી કરી છે. TOIની રિપોર્ટ મુજબ બીકાનેરવાલા અને હલ્દીરામ સરકાર દ્વારા સંચાલિત ITDC ઉપરાંત, IRCTCને બદલવા માટે મહત્વપૂર્ણ દાવેદારોમાંથી એક છે. સૂત્રો અનુસાર અંતિમ નિર્ણય દરમિયાન બીકાનેરવાલા અને હલ્દીરામમાંથી કોઈ એકની પસંદગી કરાય તેવી સંભાવના છે. સંસદીય ફૂડ પેનલની અનુપસ્થિતિમાં લોકસભા અધ્યક્ષ ઓમ બિરલા આ મામલે નિર્ણય લઈ શકે છે. સંસદમાં મેનુ પર ચર્ચા થઈ છે અને હાલની કિંમતો પર પણ તેમાં સંશોધન કરાયું છે. જે અનુસાર બિરયાની, ચિકન કટલેટ, માછલી અને ચિપ્સ જેવી કેટલીક આઈટમોને સિગ્નેચર ડિશ તરીકે જોવામાં આવશે. ખીચડી, પોંગલ અને કાપેલા ફળો સાથે જ્યૂશ સ્વાદિષ્ટ વિકલ્પ તરીકે હોઈ શકે છે. જો હલ્દીરામ અથવા બીકાનેરવાલામાંથી કોઈ એકને સંસદમાં કેન્ટીનની જવાબદારી સોંપવામાં આવે છે તો તેનો મતલબ એવો પણ થશે કે કેન્ટીન સંપૂર્ણ રીતે શાકાહારી થઈ જશે કારણ કે આ બંને કંપનીઓ નોનવેજની સુવિધા આપતી નથી.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો