આ છે દુનિયાનો સૌથી મોટો રસગુલ્લો! 8 કિલો છે વજન

I am Gujarat

8 કિલોનો રસગુલ્લો

પશ્ચિમ બંગાળના નાદિયા જિલ્લાના ફુલિયા વિસ્તારમાં એક મોટો રસગુલ્લો બનાવવામાં આવ્યો હતો. આ વિશાળ રસગુલ્લાનું વજન આશરે 8 કિલો છે તેમજ ડાયામીટર 2 ફૂટ છે. આ રસગુલ્લો બનાવવામાં 5 લોકોની ટીમ કામે લાગી હતી. તેમજ આ રસગુલ્લો બનાવવામાં 5 કલાકનો સમય લાગ્યો હતો.

રસગુલ્લાંને જોવા ઉમટી ભીડ

ફુલિયાના લોકોનો દાવો છે કે રસગુલ્લાનો આવિષ્કાર તેમને ત્યાં થયો હતો. લોકોનું માનવું છે કે હારાધન મયરા નામના વ્યક્તિએ પહેલીવાર રસગુલ્લા બનાવ્યાં હતાં. આ વિશાળ રસગુલ્લાંએ લોકોમાં ખૂબ આકર્ષણ જમાવ્યું છે. રસગુલ્લાંને જોવા માટે લોકોની ભીડ ઉમટી પડી હતી.

150 કિલો ખાંડનો થયો ઉપયોગ

આ રસગુલ્લોને બનાવનાર ટીમે જણાવ્યું કે આ રસગુલ્લો બનાવવામાં 6 કિલો છીણનો ઉપયોગ થયો અને તેમાં 150 કિલો ખાંડનો વપરાશ થયો છે. ટીમનો એવો પણ દાવો છે કે આ દુનિયાનો સૌથી મોટો રસગુલ્લો છે.