આ ગામમાં રહેવા માટે ડૉક્ટર-એન્જિનિયરો પણ પડાપડી કરી રહ્યાં છે!

I am Gujarat

જુડવા બાળકો માટે પ્રખ્યાત છે અટોર નંગલા ગામ

જુડવા લોકો માટે પ્રખ્યાત અટોર નંગલા ગામ હવે બહારના લોકોને પણ આકર્ષિત કરી રહ્યું છે. ઘણા પરિવારોએ ગામના અગ્રણીઓ સાથે વાત કરીને ગામમાં રહેવાની ઈચ્છા વ્યક્ત કરી છે જેથી તેમના ઘરે પણ જુડવા બાળકોનો જન્મ થાય.

ગામમાં રહેવા આવવા માગે છે દંપતીઓ

ગામના રહેવાસી અને RWAના મહાસચિવ પ્રમોદ ધનકડે જણાવ્યુ કે, તેમને કેટલાક લોકોના ફોન આવ્યા હતા. પહેલા તો તે લોકોએ ગામનો આખો ઈતિહાસ જાણ્યો અને એ વાત સુનિશ્ચિત કરી કે, અહીં મોટી સંખ્યામાં જુડવા બાળકો પેદા થાય છે. ત્યારબાદ તેમણે પણ અટોર નંગલામાં રહેવાની ઈચ્છા વ્યક્ત કરી. પ્રમોદે કહ્યું કે, આવા લોકોને ગામમાં આવીને સ્થાનીક રહેવાસીઓ સાથે સંપર્ક કરવા માટે કહેવામાં આવ્યું છે. જો તેઓ ગામમાં રહેવા માગે છે તો તેમની મદદ જરૂર કરવામાં આવશે.

એન્જિનિયર અને બિઝનેસમેન પણ લાઈનમાં

ગામના લોકોને ફોન કરનારાઓમાં એન્જિનિયર અને બિઝનેસમેન પણ શામેલ છે. મોટાભાગના લોકો વેસ્ટર્ન ઉત્તર પ્રદેશના જુદા-જુદા વિસ્તારોમાંથી છે. પ્રમોદે જણાવ્યું કે, આવા લોકો અહીં ભાડે ઘર રાખી પરિવાર સાથે રહેવા માગે છે. તેમની ઈચ્છા છે કે, ગર્ભધારણથી માંડી બાળકના જન્મ સુધી અહીં જ રહે. આમાં, મોટાભાગના લોકો એવા છે જેમના લગ્નને ઘણો સમય થઈ ગયો છે અને હજુ સુધી માતા-પિતા બની શક્યા નથી.

તમામ સુવિધાઓથી સંપન્ન છે ગામ

આમ તો સુવિધાઓ બાબતે અટોર નંગલા ગામ ખૂબ જ સંપન્ન છે. સ્થાનીક લોકોનું કહેવું છે કે, જો બહારના લોકો તેમના ગામમાં આવીને રહેવા માગતા હોય તો તેઓ પૂરો સહયોગ આપશે. આવું કરવાથી ગામનું નામ વધુ જાણીતું થશે.

કુદરતની મહેર માને છે લોકો

જણાવી દઈએ કે, આ ગામમાં 1-2 નહીં પરંતુ 60 પરિવારોમાં જુડવા બાળકો છે. લોકો આને કુદરતની કૃપા માને છે. અન્ય કારણો વિશે ન તો કોઈને ખબર છે કે ન આની સાથે જોડાયેલી બીજી કોઈ પ્રચલિત વાર્તા છે. જોકે, કેટલાક લોકો આ વિષય રિસર્ચ કરી રહ્યાં છે.