પિટબુલ ડોગે સૂઈ રહેલા વ્યક્તિની ગરદન પર કર્યો હુમલો, મોત બાદ માલિક સામે કેસ

બેંગલુરુમાં મંગળવારે પિટબુલ ડોગ હુમલાનો મામલો સામે આવ્યો છે. એવું કહેવામાં આવી રહ્યું છે કે પિટબુલ ડોગના કરડવાથી એક કામદારનું મોત નીપજ્યું હતું. આ ઘટના અંગે લોકોમાં રોષનું વાતાવરણ છે. પોલીસે આ કેસ માટે કૂતરાના માલિક સામે ગુનો નોંધ્યો છે.

આ ઘટના બેંગલુરુના યેલહંકા વિસ્તારની છે. કહેવામાં આવી રહ્યું છે કે નરસિંહા નામનો 36 વર્ષિય મજૂર મકાનની સીડી પર બાંધકામ હેઠળની બિલ્ડિંગ નજીક સૂતો હતો. આ સમયે કૂતરો અને તેની માલકણ નીચે ઉતર્યા ત્યારે મજૂરને સૂતો જોઈને કૂતરાએ તેના પર હુમલો કર્યો. કૂતરાએ તેના દાંતથી મજૂરનું ગળું પકડી લીધું હતી, જેના કારણે તે ગંભીર રીતે ઘાયલ થઈ ગયો હતો અને લોહી વહી ગયું હતું.

કૂતરાએ જેવો મજૂર પર હુમલો કર્યો ત્યારે માલકણે બચાવવાનો પ્રયાસ કર્યો. આ દરમિયાન તેને સામાન્ય ઇજાઓ પણ થઇ હતી. કૂતરાએ મજૂર પર હુમલો કર્યો ત્યારે તેણીની ડરીને મોટેથી ચીસો પાડવા લાગી હતી. લોકો ઘટના સ્થળે એકઠા થયા હતા અને મજૂરને તાત્કાલિક હોસ્પિટલમાં ખસેડવામાં આવ્યો હતો.

વધારે રક્તસ્રાવને કારણે તબીબોએ મજૂરને મૃત જાહેર કર્યો હતો. પોલીસે આ બાબતને ગંભીરતાથી લીધી હતી અને કૂતરાની માલકણ સામે બેદરકારી બદલ આઈપીસી કલમ 404 એ હેઠળ ગુનો નોંધી વધુ તપાસ હાથ ધરી છે.

તાજેતરના કેટલાક દિવસોમાં માણસો પર કૂતરાના હુમલાના કેસોમાં વધારો થયો છે. યુપીના અલીગઢમાં એક 12 વર્ષની બાળકી પર ઘણા કૂતરાઓએ હુમલો કર્યો હતો. જેમાં તે ગંભીર રીતે ઘાયલ થઈ હતી.