એક બાજુ જ્યાં આખા દેશમાં રંગોના તહેવાર હોળી ધામધૂમથી ઉજવાઈ રહ્યો છે ત્યાં બીજી તરફ ભારતમાં જ કેટલીક એવી જગ્યાઓ છે જ્યા 100 તો ક્યાંક 150 વર્ષથી નથી રમાતી હોળી. ક્યાંક ભૂતોનો ડર છે તો ક્યાંક કોઈ બાબાના શ્રાપનો. ચાલો જાણીએ આજે આવી જ કેટલીક વિચિત્ર જગ્યાઓ વિશે….
આ ગામમાં 125 વર્ષથી હોળી રમવા પર પ્રતિબંધ
મધ્યપ્રદેશના બૈતુલ જિલ્લામાં આવેલ મુલાતાઈ તાલુકાના ડહુઆ ગામમાં 125 વર્ષથી હોળી રમવા પર પ્રતિબંધ મુકવામાં આવ્યો છે. એવું માનવામાં આવે છે કે જે દિવસે ગામના પ્રધાનની કુવામાં ડુબીને મોત થઈ જતા ગામવાસીઓએ હોળી ન રમવા પર નિર્ણય કર્યો હતો અને ત્યારથી અત્યાર સુધી હોળી રમાતી નથી.
150 વર્ષથી હોળી નથી રમાઈ
હરિયાણાના કૈથલના ગુહલ્લા ચીકા સ્થિત ગામમાં 150 વર્ષથી હોળી નથી રમાઈ. હકીકતમાં 150 વર્ષ પહેલા એક બાબા રહેતા હતા. કેટલાક લોકોએ હોળીના દિવસે તેમને અપમાનિત કરતા ગુસ્સે ભરાયેલ બાબાએ હોળી દહન સમયે આગમાં કુદીને આત્મહત્યા કરી લીધી હતી અને મરતા મરતા ગામવાસીઓને શ્રાપ આપ્યો હતો કે જે હોળી મનાવશે તેમના પરિવારનો નાશ થશે. ત્યાર બાદ ગામવાસીઓએ માફી પણ માંગી હતી જેથી બાબાએ શ્રાપ મુક્તિ માટે કહ્યું કે જ્યારે ગામમાં હોળીના જ દિવસે કોઈના ઘરે બાળકનો જન્મ થશે અને ગાયના ઘરે વાછરડાનો બંને સંયોગ થતા શ્રાપ સમાપ્ત થઈ જશે જોકે હજુ સુધી આવું બન્યું નથી.
દેવીએ સપનામાં આવી હોળી ન મનાવવા કહ્યું
છત્તિસગઢના કોરબા જિલ્લાના ખરહરી ગામમાં 150 વર્ષથી હોળી નથી મનાવાઈ રહી. ગામના વૃદ્ધો જણાવે છે કે 150 પહેલા અહીં ભિષણ આગ લાગી હતી અને જેના કારણે ગામમાં રોગચાળો ફાટી નિકળ્યો હતો. કહેવાય છે કે આ ત્રાસથી છૂટવા માટે એક હકીમને સપનામાં દેવીએ રસ્તો દેખાડતા કહ્યું કે, આ સ્થળે હોળીનો તહેવાર મનાવવાનું છોડી દો તો શાંતિ પરત સ્થપાશે. ત્યારથી અત્યાર સુધી નથી રમાતી હોળી.
100 વર્ષથી હોળી નહીં
ઝાંરખંડના બોકારોના કસમાર બ્લોક સ્થિતિ દુર્ગાપુર ગામમાં રાજા દુર્ગા પ્રસાદનું સાશન હતું, તેમને હોળી મનાવવાનો ઘણો શોખ હતો. થોડા સમય પછી રાજાના દીકરાનું હોળીના દિવસે મોત થઈ ગયું. આ પછી જ્યારે પણ ગામમાં હોળીનું આયોજન થતું તો ભયંકર દુષ્કાળ કે મહામારીનો સામનો કરવો પડતો હતો જેમાં ગામના ઘણાં લોકોના મોત થઈ ગયા હતા. પોતાના મૃત્યુ પહેલા રાજાએ આદેશ આપ્યો હતો કે તેમની પ્રજા ક્યારેય હોળી નહીં મનાવે. સંયોગથી એક યુદ્ધ દરમિયાન રાજાનું મોત પણ હોળીના દિવસે જ થયું હતું. ત્યારથી અહીં હોળી નથી મનાવાતી.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.