પ્રજાસત્તાક દિવસે મોદીનો ખાસ અંદાજ, જામનગરની પાઘડી પહેરી ફરકાવ્યો તિરંગો

પ્રધાનમંત્રી નરેન્દ્ર મોદી (Prime Minister Narendra Modi) એ 72મા ગણતંત્ર દિવસ (72nd Republic Day) સમારંભ માટે ખાસ પ્રકારની પાઘડી પસંદ કરી છે. તેમણે આ વખતે ગુજરાત (Gujarat)ના જામગનર (Jamnagar)ની ખાસ પાઘડી (Paghadi) પહેરી છે. જામનગરના શાહી પરિવારની તરફથી આવી પાઘડી તેમને ગિફ્ટમાં અપાઇ હતી. મોદી દર વર્ષે ગણતંત્ર દિવસ પર અલગ પ્રકારની પાઘડી પહેરતા દેખાય છે. ગયા વર્ષે તેમણે ‘બાંધણી’ પહેરી હતી જે કમર સુધીની છે. કેસરિયા રંગની પાઘડીમાં પીળો રંગ પણ હતો. 2015થી લઇ અત્યાર સુધીમાં દર વર્ષે ગણતંત્ર દિવસ પર મોદી ખાસ પ્રકારની પાઘડીઓ પહેરતા દેખાય છે. એક નજર તેમના ગણતંત્ર દિવસ લુક પર.

આ વર્ષે પહેરી જામનગરની ખાસ પાઘડી


પ્રધાનંત્રી મોદી 72મા ગણતંત્ર દિવસ પર જામનગરની પાઘડી પહેરતા દેખાયા. તેમણે ઇન્ડિયા ગેટ પર આવેલ નેશનલ વોર મેમોરિયલ જઇ વીરગતિ પ્રાપ્ત કરનાર દેશના બહાદુર જવાનોને શ્રદ્ઘાંજલિ પાઠવી. તેમની સાથે ત્રણે સેનાઓના પ્રમુખ પણ હાજર રહ્યા.

2020માં ‘બાંધણી’ પહેરતા હતા પીએમ મોદી


71મા ગણતંત્ર દિવસના અવસર પર પ્રધાનમંત્રી મોદીએ ‘બાંધણી’ને પસંદ કરી હતી. કેસરિયા રંગની પાઘડીનો એક ભાગ કમર સુધી જતો હતો.

2019માં પીળી પાઘડી પસંદ કરી હતી


70મા ગણતંત્ર દિવસ અવસર પર પીએમ મોદીએ પીળી પાઘડી પહેરી હતી. તેમાં લીલો રંગ પણ સમાવિષ્ટ હતો અને થોડીક સોનેરી રેખાઓ પણ હતી. સાથો સાથ તેમણે સ્લીવલેસ જેકેટ અને સફેદ કુર્તો પહેર્યો હતો.

2018મા આવો હતો પીએમ મોદીનો લુક


2018ના ગણતંત્ર દિવસ દરમ્યાન પીએમ મોદીની પાઘડી કેટલાંય રંગો વાળી હતી. તેમનું પોકેટ સ્કવેયર પણ મલ્ટીકલરનું હતું. મોદીએ એ વર્ષે ક્રીમ રંગનો કુર્તો અને કાળા રંગના બંધ ગળાના જેકેટ સમારંભ માટે પસંદ કર્યું હતું.

2017મા પીએમ મોદીએ પહેરી હતી ગુલાબી પાઘડી


2017ની સાલમાં પીએમ મોદીએ પાઘડી માટે ગુલાબી રંગ પસંદ કર્યો હતો. તેમાં એક બોર્ડર હતી અને સાથો સાથ સિલ્વર રંગની પણ છાપ હતી. મોદીએ સફેદ ડૉટસવાળા બ્લેક સ્લીવલેસ જેકેટ પહેર્યા હતા.