વડાપ્રધાન બન્યા ત્યારથી લઈને અત્યાર સુધી નરેન્દ્ર મોદી પોતાના ડ્રેસિંગ સેન્સને કારણે હંમેશા ચર્ચામાં રહ્યાં છે. પછી તે સ્વતંત્રતા દિવસ પર તેમની અનોખી પાઘડીઓ હોય કે પછી બરાક ઓબામાના સ્વાગત વખતે તેમનો મોંઘો સૂટ હોય, તેમની ડ્રેસિંગ સ્ટાઈલ ઉંમરલાયક નહીં પરંતુ યુવાનોમાં વધારે લોકપ્રિય થાય છે. હવે ફરી એકવાર પીએમ પોતાના ડ્રેસિંગને કારણે ચર્ચામાં આવી ગયા છે. રવિવારે જ્યારે વડાપ્રધાન ફિલીપાઈન્સમાં યોજાનારા 15માં ભારત-આસિયન અને 12માં પૂર્વી એશિયા સમ્મેલનમાં ભાગ લેવા માટે પહોંચ્યા તો એકદમ નવા લુકમાં દેખાયા. આવો જણાવીએ તેમના આ કપડામાં શુ ખાસ હતું.
પહેલીવાર પઠાણી સૂટમાં દેખાયા પીએમ!
મનીલાથી રવાના થતી વખતે વડાપ્રધાન નરેન્દ્ર મોદીએ પઠાણી કુર્તો અને પાયજામો પહેર્યા હતા. આની ઉપર તેમણે બ્લેઝર પહેર્યું હતું. PM મોદી સંભવત: પહેલીવાર પઠાણી સ્ટાઈલના કુર્તા-પાયજામામાં જોવામાં આવ્યા. સામાન્યપણે પીએમ ચૂડીદાર પાયજામા અને કુર્તામાં જોવા મળે છે.
સૌથી મોઘો સૂટ બન્યો હતો વિવાદનું કારણ
વડાપ્રધાન બન્યા બાદ જ્યારે નરેન્દ્ર મોદી 2015માં અમેરિકાના તત્કાલિન વડાપ્રધાન રાષ્ટ્રપતિ બરાક ઓબામાને નવી દિલ્હીમાં મળ્યા ત્યારે તેમણે એક કાળા રંગનો બંધ ગળાવાળો સૂટ પહેર્યો હતો. જોકે, આ સૂટ પોતાની કિંમતના કારણે વિવાદોમાં ઘેરાઈ ગયો હતો પણ આમાં એક ખાસિયત હતી કે, આખા સૂટ પર નરેન્દ્ર મોદીના નામને અંકિત કરવામાં આવ્યું હતું. બાદમાં આ સૂટને 4.31 કરોડ રૂપિયામાં નિલામ કરવામાં આવ્યો હતો અને ત્યારબાદ તેણે ગિનિઝ બુક ઑફ વર્લ્ડ રેકોર્ડ્ઝમાં પણ સ્થાન બનાવી લીધું.
ગોલ્ફ મેદાનમાં મોદીનો સ્પોર્ટી લુક
માત્ર રાજનૈતિક કાર્યક્રમોમાં જ નહીં, ક્યારેક નવરાશની પળોમાં પણ પીએમ મોદીની સ્ટાઈલ લાજવાબ હોય છે. આ ફોટો પીએમ મોદીના ગોલ્ફ રમતી વખતનો છે. તસવીરમાં જોઈ શકાય છે કે, પીએમ મોદીએ કોઈ ખેલાડીની જેમ જ ધારીદાર ગોલ્ફ સ્ટાઈલ ટી-શર્ટ અને ટ્રાઉઝર પહેર્યા છે.
હેટના પણ શોખીન છે પીએમ મોદી
આ બધા ઉપરાંત મોદી જ્યારે જવાનોને મળવા સિઆચેન પહોંચ્યા હતા ત્યારે જેકેટ અને સનગ્લાસિસમાં પણ દેખાયા હતા. મોદી ઘણીવાર ટેક્સન સ્ટાઈલ હેટ, ડેનિમ અને વેસ્ટર્ન સ્ટાઈલ ટ્રાઉઝરમાં પણ દેખાઈ ચૂક્યા છે.
જેવો દેશ તેવો વેશ
પીએમ મોદી ‘જેવો દેશ તેવો વેશ’ વાળી કહેવતમાં એકદમ ફિટ બેસે છે. તે અલગ-અલગ દેશોના પ્રવાસોમાં ત્યાના પારંપારિક ડ્રેસિંગને અપનાવતા જરાય ખચકાતા નથી. ડ્રેસિંગ બાબતે નરેન્દ્ર મોદીને સૌથી ફેશનેબલ પીએમ કહેવામાં કોઈ અતિશયોક્તિ નથી.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.