આફ્રિકાથી પાછા ફરતાં જ મોદીએ બેઠક બોલાવી

નવી દિલ્હી: પીએમ નરેન્દ્ર મોદીએ આફ્રિકન દેશોની યાત્રાથી પરત થતાની સાથે જ કાશ્મીરમાં ફેલાયેલી હિંસાને ધ્યાનમાં રાખીને એક ઉચ્ચ સ્તરીય સમીક્ષા બેઠક બોલાવી છે. આ બેઠકમાં નાણાંમંત્રી જેટલી, સુરક્ષા મંત્રી મનોહર પર્રિકર, ગૃહ મંત્રી રાજનાથ સિંહ, વિદેશ મંત્રી સુષ્મા સ્વરાજ અને એનએસએ અજીત ડોભાલ પણ શામેલ છે. કાશ્મીરમાં ચાલી રહેલા વિરોધને ધ્યાનમાં રાખીને રાજનાથ સિંહે અમેરિકાની યાત્રા રદ કરી છે. રાજનાથ સિંહ 17 જુલાઈથી અમેરિકાની યાત્રા પર જવાના હતા.

ગયા શુક્રવારે આતંકી સંગઠન હિઝબુલ મુજાહિદીના કમાન્ડર બુરહાન વાનીનું એનકાઉન્ટર કરવામાં આવ્યુ હતું. ત્યારબાદ કાશ્મીરમાં વિરોધ-પ્રદર્શન શરુ થઈ ગયા હતા. ચારેબાજુ ફેલાયેલી હિંસાઓમાં અત્યાર સુધી 30 લોકોના મૃત્યુ થયા છે, જ્યારે સેંકડો લોકો ઘાયલ છે. કાશ્મીર ઘાટીમાં કર્ફયુની પરિસ્થિતિ છે અને અલગાવવાદી નેતાઓએ બંધને બે દિવસ વધારી દીધું છે.
Delhi: Delegation of Imams meet HM Rajnath Singh to discuss the situation in J&K. pic.twitter.com/JPlZVGlB0Y — ANI (@ANI_news) July 12, 2016 18 જુલાઈથી સંસદનું મૉનસૂન સત્ર શરુ થવાનું છે. એક અધિકારીએ જણાવ્યું કે, પરિસ્થિતિને ધ્યાનમાં રાખીને રાજનાથ સિંહના અમેરિકા પ્રવાસને પોસ્ટપોન કરવામાં આવ્યો છે. ઈમામોના એક ડેલિગેશને પણ રાજનાથ સિંહ સાથે મુલાકાત કરી હતી.

રાજનાથ સિંહ બારીકાઈથી જમ્મુ-કશ્મીરની સ્થિતિ પર નજર રાખી રહ્યા છે. અધિકારીએ જણાવ્યું કે આ સ્થિતિમાં સંસદમાં સભ્યોના સવાલોનો જવાબ આપવા માટે તેમનું ત્યાં હોવું જરુરી છે. પીએસ મોદીએ યાત્રા દરમિયાન જ એનએસએસ અજીત ડોભાલને કેન્યાથી પાછા મોકલી દીધા હતાં. એનએસએ સાથે જોડાયેલા સૂત્રોએ દાવો કર્યો હતો કે 48 થી 72 કલાકમાં પરિસ્થિતી પર કાબુ મેળવી લેવામાં આવશે. બીજી બાજુ કાશ્મીર મુદ્દે ભારત અને પાકિસ્તાન વચ્ચે તાણ સતત વધતો જાય છે.

પાકિસ્તાનના પીએમ નવાઝ શરીફ આ સ્થિતિને કાશ્મીરી લોકો પર ભારતનો અત્યાચાર કહી રહ્યાં છે. પાકિસ્તાને સોમવારે ભારતીય રાજદુતને બોલાવી ને પોતાની સમસ્યા વ્યક્ત કરી હતી. પાકિસ્તાનના પીએમના સલાહકાર સરતાજ અઝીઝે આ મુદ્દાને આંતરરાષ્ટ્રીય મંચ પર ઉઠાવવાની વાત કરી છે. ભારતે પાકિસ્તાનને સ્પષ્ટ કહ્યું છે કે આ ભારતનો અંગત મુદ્દો છે અને પાકિસ્તાને આનાથી દુર રહેવું જોઈએ.