રેમડેસિવિર દવાની કાળા બજારીનો પર્દાફાશ
કોરોના વાયરસની મહામારીથી સમગ્ર દુનિયામાં હડકંપ મચ્યો ચે. ભારતમાં આ બીમારીથી 8 લાખથી વધુ લોકો સંક્રમિત થઈ ચૂક્યા છે. આ વચ્ચે ભારત સરકારે ખાસ પરિસ્થિતિઓમા કોરોનાના દર્દીઓનો રેમડેસિવિર દવા આપવાની અનુમતિ આપી છે. આ દવાનો સ્ટોક મર્યાદિત સંખ્યામાં રાજ્યોમાં પહોંચી રહ્યો છે. આ વચ્ચે હવે આ દવાની કાળા બજારીના મામલા સામે આવી રહ્યા છે. મુંબઈમાં એક મેડિકલ સ્ટોરના માલિકને રેમડેસિવિર દવા ચાર ગણી કિંમતે વેચતા પોલીસના હાથે ઝડપાઈ ગયો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
મેડિકલ સ્ટોરના બે કર્મચારીઓ પકડાયા
કોરોનાની સારવારમાં ઉપયોગમાં લેવાતી રેમડેસિવિર દવાની કાળાબજારી કરતા મુંબઈ પોલીસે એક મેડિકલ માલિકને પકડ્યો છે આ સાથે તેના સાથીદારને પણ પકડવામાં આવ્યો છે. મીરા રોડ પોલીસે 24 વર્ષના સોનુ દર્શી અને 31 વર્ષના રોડ્રિક રાઉલની ધરપકડ કરી છે.
5000ની દવા 20000માં વેચતા
પોલીસે સૌથી પહેલા ગ્રાહક બનીને તેની સાથે ડીલ કરી. બાદમાં જ્યારે બંને આરોપીઓ 5,400 રૂપિયાની કિંમતના ઈન્જેક્શનને 20,000 રૂપિયામાં આપવા માટે રાજી થયા તો તેમની પાસેથી ઈન્જેક્શન મગાવવામાં આવ્યું. આ બાદ તેમને ઈન્જેક્શન વેચતા દરમિયાન જ તેમને પકડી લેવામાં આવ્યા.
પોલીસને ઈન્જેક્શનની 4 બોટલ મળી
પોલીસે ધરપકડ કર્યા બાદ આરોપીએ જણાવ્યું કે, તેમના આ ઈન્જેક્શન એક હોસ્પિટલમાંથી મળ્યું હતું. પોલીસને આરોપીઓ પાસેથી ઈન્જેક્શનની 4 બોટલ મળી આવી હતી. તેમની આ કાળાબજારીથી દવા વેચવા પાછળ મોટું કૌભાંડ હોવાના સંકેતો મળી રહ્યા છે. પોલીસે અમારા સહયોગી મુંબઈ મિરરને જણાવ્યું હતું કે, તેઓ આ મામલે હોસ્પિટલની મેડિકલ સ્ટોરના બે કર્મચારીઓ સામે ગુનો નોંધી રહ્યા છે.
માર્કેટમાં રેમડેસિવિર દવાની અછત
ઉલ્લેખનીય છે કે કોરોનાના વધી રહેલા કેસના કારણે રેમડેસિવિર તથા ટોસીલિઝુમાબ દવાની ડિમાન્ડ વધી ગઈ છે. ઘણી પ્રાઈવેટ હોસ્પિટલો આ દવાની અછત હોવાનું જણાવી રહ્યા છે. એવામાં ઘણા નફાખોર લોકો તેને બ્લેકમાં ઊંચી કિંમતે વેચીને પૈસા કમાવવાનું સાધન બનાવી રહ્યા છે.