દુલ્હન બનેલી દીકરીની એક ઈચ્છા પૂરી કરવા પિતાએ વિનંતી કરી અને 60 પોલીસકર્મીઓ હાજર થઈ ગયા
ઉત્તરપ્રદેશના સંભલ જિલ્લામાં આવેલા લોહામઈ ગામમાં એક દલિત પરિવારમાં લગ્ન પ્રસંગનું આયોજન કરવામાં આવ્યું. પરંતુ પરિવારને ડર હતો કે જો વરઘોડો નીકાળવામાં આવશે તો અમુક લોકો વિરોધ કરી શકે છે. દુલ્હનના પિતાએ આ રજૂઆત પોલીસ આગળ કરી. પોલીસે તેમને સુરક્ષાનું વચન આપ્યું અને લગ્નપ્રસંગમાં 60 પોલીસકર્મીઓ તૈનાત પણ કર્યા હતા.
સંભલ- જ્યારે કોઈ દીકરીના લગ્ન થાય ત્યારે તેના માતા-પિતા પ્રયત્ન કરતા હોય છે કે તેના તમામ સપના સાકાર કરવામાં આવે. માતા-પિતા શક્ય હોય ત્યાં સુધી દીકરીની તમામ ઈચ્છા પૂરી કરતા હોય છે. તાજેતરમાં જ એક એવા લગ્નની વાત સામે આવી જ્યાં એક દીકરીની ઈચ્છા હતી કે તેનો વરરાજા ઘોડી ચઢીને આવે, ડીજે સાથે નાચતો નાચતો આવે અને તેને લઈ જાય. તમને લાગશે કે આમાં મોટી વાત શું છે? પરંતુ આજે પણ દેશમાં એવા ઘણાં સ્થળો છે જ્યાં જાતિના આધારે ભેદભાવ કરવામાં આવે છે. માટે જ એક દલિત પરિવાર લગ્નમાં ઘોડી ચઢવા જેવી બાબત માટે ડરી રહ્યો હતો. પરંતુ પિતાએ દીકરીની ઈચ્છા પૂરી કરવા પોલીસની મદદ માંગી અને પોલીસે સહકાર પણ આપ્યો.
કોન્સ્ટેબલ, સબ ઈન્સ્પેક્ટર, ઈન્સ્પેક્ટર અને સર્કલ ઓફિસર સહિત 60 જેટલા પોલીસ કર્મીઓની હાજરીમાં વરરાજા ઘોડી ચઢીને આવ્યો અને ધૂમધામથી લગ્ન પણ થયા. પોલીસ વિભાગના ખૂબ વખાણ પણ થઈ રહ્યા છે. દીકરીની વિદાય થઈ તો પરિવારમાં ગમનો માહોલ હતો, પરંતુ શાંતિથી પ્રસંગ સમાપ્ત થયો તેની ખુશી પણ હતી. તમને જણાવી દઈએ કે આ ઘટના ઉત્તરપ્રદેશના સંભલ જિલ્લામાં બની હતી.
સંભલ જિલ્લામાં એક પિતાએ SP પાસે મદદ માંગી અને શક્યતા વ્યક્ત કરી કે તેમની દીકરીના લગ્નમાં અમુક લોકો રોડા નાખી શકે છે. SPએ પિતાની દુવિધા સમજી અને સુરક્ષા માટે પાંચ ડઝન જેટલા પોલીસકર્મીઓને તૈનાત કર્યા. SPએ સુનિશ્ચિત કર્યું કે લગ્ન ધૂમધામથી થઈ જાય. આટલુ જ નહીં, 11 હજાર રુપિયાનું કન્યાદાન પણ કરવામાં આવ્યું. સમગ્ર ઘટના લોહામઈ ગામની છે. રાજુ ચૌહાણ નામના એક વ્યક્તિએ પોલીસને જણાવ્યું કે, ગામમાં બેન્ડ બાજા સાથે વરઘોડો નીકળી નહીં શકે. હું મારી દીકરી રવિનાની ઈચ્છા પૂરી કરવા માંગુ છું.
એસપીએ વિશ્વાસ અપાવ્યો કે લગ્નમાં કોઈ બાધા નહીં આવે. શુક્રવારે સાંજે વરઘોડો આવ્યો. ગામમાં વિવિધ સ્થળોએ પોલીસ તૈનાત કરવામાં આવી હતી. વરઘોડામાં સામેલ લોકો પણ ખૂબ નાચ્યા. CO ગુન્નૌર આલોક સિંહ તેમજ પોલીસ સ્ટેશનના ઈનચાર્જ પુષ્કર સિંહ મહેરા પણ સાથે સાથે રહ્યા હતા જેથી કોઈ ટીખળ ના કરી શકે. ઈનચાર્જ તરફતી 11 હજાર રુપિયા આપવામાં આવ્યા. દીકરીને આશિર્વાદ આપવામાં આવ્યા. ફેરા થયા અને વિદાય થઈ ત્યાં સુધી પોલીસ હાજર રહી હતી.
લગ્ન પછી તમામ લોકોએ પોલીસકર્મીઓનો આભાર વ્યક્ત કર્યો. ગામના લોકો તો એવો પણ દાવો કરી રહ્યા છે કે આઝાદી પછી તે વિસ્તારમાં પહેલીવાર આ પ્રકારના લગ્ન થયા છે. લોકોએ સ્વીકાર્યું કે, સમાજની વિચારધારામાં સમયની સાથે હવે બદલાવ થઈ રહ્યો છે.
કોન્સ્ટેબલ, સબ ઈન્સ્પેક્ટર, ઈન્સ્પેક્ટર અને સર્કલ ઓફિસર સહિત 60 જેટલા પોલીસ કર્મીઓની હાજરીમાં વરરાજા ઘોડી ચઢીને આવ્યો અને ધૂમધામથી લગ્ન પણ થયા. પોલીસ વિભાગના ખૂબ વખાણ પણ થઈ રહ્યા છે. દીકરીની વિદાય થઈ તો પરિવારમાં ગમનો માહોલ હતો, પરંતુ શાંતિથી પ્રસંગ સમાપ્ત થયો તેની ખુશી પણ હતી. તમને જણાવી દઈએ કે આ ઘટના ઉત્તરપ્રદેશના સંભલ જિલ્લામાં બની હતી.
સંભલ જિલ્લામાં એક પિતાએ SP પાસે મદદ માંગી અને શક્યતા વ્યક્ત કરી કે તેમની દીકરીના લગ્નમાં અમુક લોકો રોડા નાખી શકે છે. SPએ પિતાની દુવિધા સમજી અને સુરક્ષા માટે પાંચ ડઝન જેટલા પોલીસકર્મીઓને તૈનાત કર્યા. SPએ સુનિશ્ચિત કર્યું કે લગ્ન ધૂમધામથી થઈ જાય. આટલુ જ નહીં, 11 હજાર રુપિયાનું કન્યાદાન પણ કરવામાં આવ્યું. સમગ્ર ઘટના લોહામઈ ગામની છે. રાજુ ચૌહાણ નામના એક વ્યક્તિએ પોલીસને જણાવ્યું કે, ગામમાં બેન્ડ બાજા સાથે વરઘોડો નીકળી નહીં શકે. હું મારી દીકરી રવિનાની ઈચ્છા પૂરી કરવા માંગુ છું.
એસપીએ વિશ્વાસ અપાવ્યો કે લગ્નમાં કોઈ બાધા નહીં આવે. શુક્રવારે સાંજે વરઘોડો આવ્યો. ગામમાં વિવિધ સ્થળોએ પોલીસ તૈનાત કરવામાં આવી હતી. વરઘોડામાં સામેલ લોકો પણ ખૂબ નાચ્યા. CO ગુન્નૌર આલોક સિંહ તેમજ પોલીસ સ્ટેશનના ઈનચાર્જ પુષ્કર સિંહ મહેરા પણ સાથે સાથે રહ્યા હતા જેથી કોઈ ટીખળ ના કરી શકે. ઈનચાર્જ તરફતી 11 હજાર રુપિયા આપવામાં આવ્યા. દીકરીને આશિર્વાદ આપવામાં આવ્યા. ફેરા થયા અને વિદાય થઈ ત્યાં સુધી પોલીસ હાજર રહી હતી.
લગ્ન પછી તમામ લોકોએ પોલીસકર્મીઓનો આભાર વ્યક્ત કર્યો. ગામના લોકો તો એવો પણ દાવો કરી રહ્યા છે કે આઝાદી પછી તે વિસ્તારમાં પહેલીવાર આ પ્રકારના લગ્ન થયા છે. લોકોએ સ્વીકાર્યું કે, સમાજની વિચારધારામાં સમયની સાથે હવે બદલાવ થઈ રહ્યો છે.