અહીં લાઈસન્સ નહીં હોય તો ટ્રાફિક પોલીસ મેમો નહીં આપે, પણ કરશે આવું

તેલગાંણાની રાજધાની હૈદરાબાદમાં ટ્રાફિકના નિયમોના ઉલ્લંઘન પર ભારે દંડ અંગે વધતા વિવાદની વચ્ચે પોલીસે અહીં હેલમેટ અથવા જરૂર દસ્તાવેજ વિના વાહન ચલાવનારા ચાલકને દંડવાને બદલે તેની મદદ કરવાની પહેલ શરૂ કરી છે. પોીલીસે નિર્ણય કર્યો છે કે, જે પણ લોકો લાઈસન્સ વિના વાહન ચલાવતા પકડાશે તેમનું તાત્કાલિક લર્નિંગ લાઈસન્સ બનાવવાનું રજિસ્ટ્રેશન કરી દેવામાં આવશે. રચકોંકા કમિશ્નરીની આ પહેલ અંતર્તગ હેલમેટ ન પહેરનારા, લાઈસન્સ ન રાખનારા, વીમા અને પ્રદૂષણ તપાસ પ્રમાણપત્ર (PUC) વિના વાહન ચલાવનારાઓને કોઈ મેમો આપવામાં નહીં આવે. ટ્રાફિક પોલીસ મોટર વાહન ચાલકોને હેલમેટ ખરીદવા અને વીમાની વ્યવસ્થા કરવા તથા PUC મેળવવામાં મદદ કરશે. લાઈસન્સ વિના વાહન ચલાવનારા માટે પોલીસ ઘટના સ્થળે જ તેમનું લર્નિંગ લાઈસન્સ બુક કરશે. પોલીસ ઉપાયુક્ત (ટ્રાફિક) એન. દિવ્યચરણ રાવે કહ્યું કે, ‘કેટલાક લોકોને ટ્રાફિક ચલણ અંગે ગેરસમજ છે. આને દૂર કરવા માટે પોલીસ આ અનોખી પહેલ શરૂ કરી છે જ્યાં ટ્રાફિક નિયમોનું ઉલ્લંઘન કરનારાઓ પર દંડ નહીં લગાવી પોલીસ તેમને ટ્રાફિક રૂલ્સ પાળવાની સલાહ આપશે.’ જણાવી દઈએ કે, દેશના જુદાં-જુજા રાજ્યોમાં પણ સરકારોએ લોકોની સગવડ માટે મોટર વ્હીકલ એક્ટમાં સંશોધન કરી દંડની રકમ ઓછી કરી છે.