બદરીનાથઃ આજે પ્રાતઃ બ્રહ્મમુહૂર્તમાં બદરીનાથ ધામના કપાટ તમામ ભક્તોને દર્શન માટે ખોલવામાં આવ્યા છે. આ અવસરે મંદિરને ખૂબ જ સુંદર રીતે સજાવવામાં આવ્યું હતું. સંપૂર્ણ વૈદિક પરંપરા અનુસાર મંત્રોચ્ચારા દિવ્ય ધ્વની સાથે વહેલી સવારે 4 વાગ્યે મંદિરના કપાટ ખોલવામાં આવ્યા હતા. આટલી વહેલી સવારે હાડ ધ્રુજાવતી ઠંડી વચ્ચે પણ હજારોની સંખ્યામાં શ્રદ્ધાળુઓ બદ્રીનારાયણના દર્શન માટે મંદિરના પટાંગણમાં એકઠા થયા હતા. આ સમયે ગઢવાલ સ્કાઉટની ટીમેના બેન્ડ દ્વારા મધુર સુરાવલી સાથેની ધૂન વગાડીને વાતાવરણને એક મુગ્ધ સ્વરુપ આપ્યું હતું. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
શિયાળામાં બંધ થઈ જાય છે મંદિરના દ્વાર
ગત વર્ષે 20 નવેમ્બરના રોજ બદ્રીનાથ મંદિરના કપાટ 6 મહિના માટે બંધ કરવામાં આવ્યા હતા. શિયાળા દરમિયાન અહીં થતી ભારે બરફવર્ષાના પગલે હિંદુ પરંપરા મુજબ ખૂબ જ પવિત્ર અને મહત્વના ચારધામ પૈકી એક ભગવાન વિષ્ણુને સમર્પિત બદ્રીનાથ ધામ સહિત હિમાલયના ઉચ્ચ પર્વત વિસ્તારમાં આવેલ ચારેય ધામના દ્વારા પ્રત્યેક વર્ષે ઓક્ટોબર-નવેમ્બરથી શ્રદ્ધાળુઓના દર્શન માટે બંધ કરી દેવામાં આવે છે. જે બાદ ફરી તેને 6 મહિના પછી શિયાળા બાદ એપ્રિલ-મે મહિનામાં ખોલવામાં આવે છે.
બદ્રિનાથનું પૌરાણિક મહત્વ
પૌરાણિક કથાઓ અનુસાર જ્યારે ઋષિ ભગીરથની તપસ્યાના ફળ સ્વરુપ માં ગંગા પૃથ્વી પર અવતર્યા ત્યારે તેમનો વેગ ખૂબ વધારે હતો. જેના વેગથી પૃથ્વી નષ્ટ થઈ શકતી હતી. જેને ઓછો કરવા માટે ભગવાન શિવજીએ ગંગને પોતની જટામાં સ્થાન આપ્યું અને ત્યાંથી ગંગા 12 અલગ અલગ નદીના સ્વરુપે વિભાજીત થઈ. આ નદીઓને અલગ અલગ નામ આપવામાં આવ્યું. અલકનંદા પણ તે પૈકી એક નદી છે. જેના તટ પર બદ્રીનાથ ધામ આવ્યું છે.
આ રીતે પહોંચો બદ્રીનાથ ધામ
બદ્રીનાથના દર્શન માટે દેશના કોઈપણ ખૂણેથી તમારે પહેલા ઋષિકેશ પહોંચવું પડે છે. અહીં પહોંચવા માટે તમે રેલવે, રોડમાર્ગનો ઉપયોગ કરી શકો છો. જ્યારે હવાઈ માર્ગ માટે દહેરાદૂનનું જોલીગ્રાન્ટ એરપોર્ટ સૌથી નજીક પડે છે. જે બાદ તમે ઉત્તરાખંડમાં આવેલ શ્રીનગર થઈને રુદ્રપ્રયાગ, કર્ણપ્રયાગ, જોશી મઠ વગેરેની યાત્રા કરીને બદ્રીનાથ ધામ પહોંચી શકો છો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.