વડાપ્રધાન મોદીએ મમતા દીદીને આપ્યા અભિનંદન, કહ્યું- 'કેન્દ્ર બંગાળનું સમર્થન કરતું રહેશે'

નવી દિલ્હીઃ પશ્ચિમ બંગાળ વિધાનસભા ચૂંટણીમાં મમતા બેનર્જીની પાર્ટી તૃણમૂલ કોંગ્રેસ (ટીએમસી) ત્રીજી વખત સત્તા મેળવવા જઈ રહી છે. મમતા બેનર્જીની પાર્ટી 200થી વધારે બેઠકો પર આગળ છે જ્યારે ભાજપ 76 બેઠક પર આગળ છે. આ ચૂંટણીમાં મમતા બેનર્જીને હરાવવા માટે વડાપ્રધાન નરેન્દ્ર મોદી તથા કેન્દ્રીય ગૃહ મંત્રી અમિત શાહે ભારે મહેનત કરી હતી પરંતુ તેમ છતાં ભારતને સફળતા મળી નથી. જોકે, વડાપ્રધાન મોદીએ મમતા બેનર્જીને ચૂંટણી જીતવા બદલ અભિનંદન પાઠવ્યા છે.
નંદીગ્રામમાં હારને સ્વીકારું છુ, પરંતુ કોર્ટ જઇશ અને હેરફેરને ખુલ્લી પાડીશઃ મમતા બેનર્જીવડાપ્રધાન મોદીએ રવિવારે ટ્વિટ કર્યું હતું કે, પશ્ચિમ બંગાળમાં તૃણમૂલ કોંગ્રેસના વિજય માટે મમતા દીદીને અભિનંદન. કેન્દ્ર સરકાર લોકોની આશાઓ પૂરી કરવા માટે અને કોવિડ-19ના રોગચાળાને દૂર કરવા માટે પશ્ચિમ બંગાળ સરકારને તમામ સમર્થન આપવાનું જારી રાખશે.
પશ્ચિમ બંગાળમાં ભાજપના અધ્યક્ષ દિલીપ ઘોષે તૃણમૂલ કોંગ્રેસના વિજય અંગે કહ્યું હતું કે, અમે વિનમ્રતાથી જનાદેશનો સ્વીકાર કરીએ છીએ અને હકારાત્મક રીતે વિરોધ પક્ષની ભૂમિકા ભજવીશું.

પશ્ચિમ બંગાળ ભાજપના પ્રભારી કૈલાશ વિજયવર્ગીયએ એક વિડીયો ટ્વિટમાં કહ્યું હતું કે, મમતા બેનર્જીને વિજય માટે અભિનંદન. અમે જનતાના નિર્ણયનો સ્વીકાર કરીએ છીએ. અમે વિધાનસભામાં વિરોધ પક્ષની રચનાત્મક ભૂમિકા ભજવીશું. પરંતુ તમે તમારા કાર્યકર્તાઓને શિસ્તમાં રહેવાનો આદેશ આપો જેથી તેઓ જીતની ખુશીમાં અમારા કાર્યાલયોને નુકસાન ન પહોંચાડે.
બંગાળમાં TMCને ભવ્ય વિજય અપાવનાર પ્રશાંત કિશોરે સંન્યાસની જાહેરાત કરીનોંધનીય છે કે મમતા બેનર્જીએ નંદીગ્રામથી ચૂંટણી લડી હતી. ભાજપે તેમની સામે શુવેન્દુ અધિકારીને ઉતાર્યા હતા. અગાઉ એવા સમાચાર આવ્યા હતા કે મમતા બેનર્જી 1200 મતથી ચૂંટણી જીતી ગયા છે પરંતુ બાદમાં સમાચાર આવ્યા હતા કે તેઓ 1622 મતથી હારી ગયા છે.