ઓનલાઈન ગેમિંગ એપમાં 25 લાખ હાર્યો, જીવન ટુંકાવતા પહેલા અન્ય લોકો માટે આપ્યો ખાસ મેસેજ

ઓનલાઇન જુગારમાં લાખો રૂપિયા ગુમાવ્યા બાદ પુડુચેરીના એક વ્યક્તિએ આપઘાત કરી લીધો. મૃત્યુ પહેલાં વિજય કુમારે એક ઓડિઓ ક્લિપ રેકોર્ડ કરી હતી જે લોકોને લોકોને ઓનલાઇન ગેમિંગ અને જુગારના વ્યસની ન બનવાની વિનંતી કરી હતી.

એક બાળકનો પિતા વિજય કુમાર પુડુચેરીમાં મોબાઈલ ફોનની દુકાન ચલાવતો હતો. તે તેના વ્યવસાયમાં કથિત રૂપે સફળ રહ્યો હતો પરંતુ તે દરમિયાન મિત્રોએ તેને એક ઓનલાઇન ગેમિંગ એપ્લિકેશન વિશે કહ્યું, જેના પછી તેને તેનું વ્યસન થઈ ગયું. તેણે ત્રણ જુદી જુદી આઈડી દ્વારા ઓનલાઈન ગેમમાં 25 લાખ રૂપિયાથી વધુ રકમ હારી ગયો. હારથી હતાશ થઈને વિજય કુમારે તેનો એક ઓડિયો રેકોર્ડ કર્યો અને ત્યાર બાદ આપઘાત કરી લીધો.

ઓડિયોમાં વિજય કુમારે કહ્યું, 'મેં ત્રણ આઈડીનો ઉપયોગ કર્યો છે અને લગભગ 25-30 લાખનું નુકસાન થયું છે. હું દિવસ-રાત રમી રહ્યો હતો અને મારી તબિયત પણ બગડી ગઈ છે.

તેમણે વધુમાં કહ્યું કે 3000 હજાર રૂપિયા જીત્યા પછી મને આ રમતની આદત પડી ગઈ અને આ દરમિયાન 2 લાખ રૂપિયા ગુમાવ્યા. જુગારની રમત પાછળની પદ્ધતિઓ જાણ્યા પછી પણ મારે રમવું પડ્યું કારણ કે રમતમાંથી બહાર નીકળવાનો કોઈ રસ્તો નહોતો.

આત્મહત્યા કરતા પહેલા, વિજય કુમારે તેની પત્નીને લોકોમાં આ ઓડિયો સંદેશ શેર કરવાની અપીલ કરી હતી. જેથી લોકો ઓનલાઇન જુગારની અસર જાણી શકે. તેમનું એમ પણ કહેવું છે કે આ રમતો પર પ્રતિબંધ મુકવા માટે એક અભિયાન શરૂ કરવું જોઈએ.

ઉલ્લેખનીય છે કે વિજય કુમારના ગાયબ થયા બાદ તેના પરિવારે ગુમ થયાની ફરિયાદ નોંધાવી હતી. આ પછી કોરકાડુ પોલીસે સર્ચ ઓપરેશન શરૂ કર્યું હતું અને રવિવારે પોલીસને તેનો મૃતદેહ મળી આવ્યો હતો.