પુણેઃ છેલ્લા કેટલાક દિવસથી પૂણેની આસપાસના વિસ્તારમાં મૂશળધાર વરસાદના પગલે અંગ્રેજોના સમયનો ભાટઘર ડેમ રવિવારે મોડી સાંજે 100 ટકા ભરાઈ ગયો હતો. જેથી ડેમના 45 દરવાજા દ્વારા 21 હજાર ક્યુસેક પાણી છોડવામાં આવ્યું.હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરોગતવર્ષે આ ડેમ 14 ઓગસ્ટના દિવસે 100 ટકા ભરાયો હતો પરંતુ આ વખતે 10 દિવસ વહેલો 4 ઓગસ્ટને જ ડેમ પૂર્ણ ભરાઈ ગયો હતો. આ વર્ષે પ્રાથામિક વરસાદ ખેંચાતા ભાટઘર ડેમથી સિંચાઈનું અને પીવાનું પાણી મેળવતા ખેડૂતો અને હજારો લોકો પણ ચિંતામાં હતા કે આગામી મહિનાઓમાં પાણીની સમસ્યા કેટલી વિકરાળ બનશે પરંતુ મેઘરાજાએ છેલ્લા કેટલાક દિવસથી જોરદાર બેટિંગ કરતા ડેમ પૂર્ણ ભરાયો હતો. ડેમ મેનેજમેન્ટ દ્વારા પાણી છોડવામાં આવતા નીચાણવાળા વિસ્તારોમાં ચેતવણી આપવામાં આવી છે. અને આગામી સમયમાં પણ વરસાદ થશે તો પાણી છોડવામાં આવશે તેમ જણાવવામાં આવ્યું હતું.