ચંદિગઢઃ હરિયાણાના બીજેપી નેતા ચંદ્રપ્રકાશ કથૂરિયાએ એવી હરકત કરી છે. જેથી પાર્ટીની રાજ્ય સહિત દેશભરમાં નિંદા થઈ રહી છે. આથી બીજેપીએ કથૂરિયા સામે મોટું પગલું લેતા તેમને પાર્ટીમાંથી છ વર્ષ માટે સસ્પેન્ડ કર્યા છે. રવિવારે હરિયાણા બીજેપી પ્રદેશ અધ્યક્ષ સુભાષ ચંદ્ર બરાલાએ કથૂરિયાને પાર્ટીના રાજ્ય કાર્યકારિણી સમિતિના વિશેષ આમંત્રિત સભ્યપદ પરથી સસ્પેન્ડ કરવાની જાહેરાત કરી હતી. જોકે, તેમણે ક્યા કારણોસર સસ્પેન્ડ કરાયા છે તે કારણનો ઉલ્લેખ કર્યો નહોતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોલોકસભા ચૂંટણીમાં ટિકિટ માટે રહ્યાં પ્રબળ દાવેદારનોંધનીય છે કે, ચંદ્રપ્રકાશ કથૂરિયા હરિયાણા બીજેપીના વિશેષ આમંત્રિત સભ્ય હતા અને કરનાલ બીજેપીના જિલ્લા અધ્યક્ષ પણ રહી ચૂક્યા હતાં. તેઓ બીજેપીમાં આવ્યા તે પહેલા કથૂરિયા પૂર્વ મુખ્યમંત્રી સ્વર્ગીય બંસીલાલના વિશ્વાસપાત્ર વ્યક્તિઓમાંથી એક માનવામાં આવતા હતાં. તેઓ હરિયાણા વિધાનસભા અને લોકસભા ચૂંટણીમાં ટિકિટ માટે દાવેદારી પણ નોંધાવતા રહ્યા છે. નારાજ થઈ ગયા હતા કથૂરિયાવર્ષ 2014માં થયેલી હરિયાણા વિધાનસભા ચૂંટણીમાં કથૂરિયા કરનાલ વિધાનસભા સીટથી બીજેપીની ટિકિટ માટે પ્રબળ દાવેદાર હતાં. જોકે, ત્યારે પાર્ટીએ કથૂરિયાને સાઈડ પર કરીને મનોહરલાલને કરનાલથી ટિકિટ આપી હતી. જેના કારણે કથૂરિયા લાંબા સમય સુધી મનોહરલાલ ખટ્ટરથી નારાજ હતાં. જે પછી તેઓ પરત ફર્યા તો ખટ્ટરે તેમને શુગરફેડના ચેરમેન બનાવ્યા હતાં.કથૂરિયાની બરાબરની છે બીજેપીમાં પકડરાજનૈતિક સૂત્રોના જણાવ્યાનુસાર ચંદ્રપ્રકાશ કથૂરિયાની બીજેપીના રાષ્ટ્રીય સ્તરના નેતાઓ સાથે પણ ખૂબ સારી જમાવટ છે. જોકે, હાલના પ્રકરણના કારણે બીજેપીનો સોશિયલ મીડિયા પર પણ ફજેતો થઈ રહ્યો છે. જેથી પાર્ટીએ તેમની વિરુદ્ધ મોટું પગલું ઉઠાવવાનો નિર્ણય કર્યો છે. રોહતક સ્થિત બીજેપી પ્રદેશ હેડક્વાર્ટરમાંથી જાહેર કરાયેલા પત્રમાં કહેવાયું છે કે કથૂરિયાને છ વર્ષ માટે પાર્ટીની પ્રાથમિક સદસ્યથી સસ્પેન્ડ કરવામાં આવે છે.શું છે સમગ્ર ઘટના?કથૂરિયા ગત શુક્રવારે ચંદિગઢના સેક્ટર 63માં પોતાની એક મહિલા મિત્રને મળવા માટે ફ્લેટ પર ગયા હતાં. એક રિપોર્ટ અનુસાર અચાનક જ તે દરમિયાન કોઈએ ડોરબેલ વગાડી જેથી તેઓ બાલકનીમાંથી નીચે ઉતરવાની કોશિશ કરી રહ્યા હતાં. આ દરમિયાન તેઓ નીચે પડ્યા હતાં અને જમીન પર જ બેસી ગયા હતાં. તેમને ખૂબ ઈજાઓ થઈ હતી. હાલ તેઓ મોહાલીના ફોર્ટિસ હોસ્પિટલમાં સારવાર હેઠળ છે. એક રિપોર્ટ અનુસાર ચંદ્રપ્રકાશ કથૂરિયા હાલ ડિપ્રેશનમાં છે.