રાજસ્થાનના રાજ્યપાલનું ટ્વિટર એકાઉન્ટ હેક થયું, હેકરે અરબીમાં લખ્યું- ગુડ મોર્નિંગ! અંકલ

દેશના ટોચના નેતાઓના સોશિયલ મીડિયા એકાઉન્ટ હેક થવાના વધતા કિસ્સાઓ વચ્ચે રાજસ્થાનના રાજ્યપાલ કલરાજ મિશ્ર અને કેન્દ્રિય મંત્રી રાવ ઇંદ્રજીત સિંહનું ટ્વિટર એકાઉન્ટ હેક કરી દેવામાં આવ્યું છે. રાજ્યપાલ અને કેન્દ્રિય મંત્રીનું ટ્વીટર એકાઉન્ટ હેક થતાં જ સરકારમાં હડકંપ મચી ગયો હતો. હેકર્સે એકાઉન્ટ હેક કર્યા પછી અરબી ભાષામાં ટ્વીટ પોસ્ટ કરી હતી. સાયબર સેલની ટીમ હેક થયેલા ટ્ટિટર એકાઉન્ટને ઠીક કરવાના પ્રયત્નમાં લાગી ગઇ છે. જોકે બંને હાઇ પ્રોફાઇલ ટ્વિટર એકાઉન્ટ હેક થયાના બે કલાક પછી પણ સાયબર ટીમ હેકર વિશે કોઇ માહિતી મેળવી શકી નથી. અહીં સુધી કે હેક થયેલુ ટ્વીટર એકાઉન્ટ પણ સુરક્ષિત કરી શકી નથી. સાયબર ટીમ એ પણ માહિતી મેળવી શકી નથી કે હેકર કયા દેશનો છે અને એણે આ બંને ટ્વિટર એકાઉન્ટ હેક કેમ કર્યા છે.
અહીં મહત્વનો મુદ્દો એ છે કે, બંને નેતાઓના ટ્વિટર એકાઉન્ટ હેક કર્યા પથી અરબી ભાષામાં એક જ પ્રકારની ટ્વીટ કરવામાં આવી હતી જેમા ઇમોજી પણ એકસરખી જ હતી. ટ્વીટના આધારે સાયબર સેલ અનુમાન લવાગી રહી છે કે રાજસ્થાનના રાજ્યપાલ કલરાજ મિશ્ર અને ઇંદ્રજીત સિંહનું ટ્વિટર એકાઉન્ટ હેક કરનારો એક જ હેકર છે.

કેન્દ્રિય મંત્રી રાવ ઇંદ્રજીત સિંહ અને રાજસ્થાનના રાજ્યપાલ કલરાજ મિશ્ર એમ બંને નેતાઓ તરફથી ટ્વિટર એકાઉન્ટ હેક થયાની ફરિયાદ કરવામાં આવી છે અને એકાઉન્ટ રિસ્ટોર કરવાના પ્રયત્ન કરવામાં આવી રહ્યા છે.