મુંબઈઃ લતા મંગેશકરનું ગીત ‘એક પ્યાર કા નગમા’ ગાઈને રાતો રાત સમાચારોમાં છાવેયેલી રાનુ મંડલને હિમેશ રેશમિયાએ પોતાની ફિલ્મમાં ગીત ગાવની ઓફર આપી હતી. જે અંતર્ગત હિમેશે પોતાનું વચન પાળતા રાનુ પાસે ‘હેપ્પી હાર્ડી એન્ડ હીર’ માટે ગીત રેકોર્ડ કરાવ્યું છે.
રાનુ ન્યૂરોલોજિકલ ડિસઓર્ડર અને પેનિક એટેકની પીડિત છે. રાનુ પોતાના ઘરેથી નીકળી પશ્ચિમ બંગાળના નાડિયા જિલ્લાના રાણાઘાટ સ્ટેશન પર પહોંચી ગઈ હતી. સ્ટેશન પર તે ગીત ગાઈ રહી હતી તે સમયે મુસાફર અતિદ્ર ચક્રવર્તીએ મોબાઈલ પર તેમનો વીડિયો રેકોર્ડ કર્યો અને સોશિયલ મીડિયા પર અપલોડ કર્યો હતો.
આ વીડિયો વાઈરલ થયા બાદ દસ વર્ષ પહેલા તેનાથી અલગ થઈ ગયેલી તેની પુત્રી તને મળવા માટે આવી. પુત્રીને મળતા રાનુ ખુબ ખુશ થઈ ગઈ. રાનુનું કહેવું છે કે ‘આ મારું બીજી જીવન છે, તેને હું વધુ સારું બનાવવાનો પ્રયત્ન કરીશ’
સોશિયલ મીડિયા પર વાઈરલ થયેલા વીડિયો બાદ બોલિવૂડના અનેક લોકોએ તેમની ગાયિકીના વખાણ કર્યા હતા. સિંગિંગ રિયાલિટી શો ‘સુપર સ્ટાર સિંગર’ પર તેમને આમંત્રણ આપવામાં આવ્યું હતું. જ્યાં તેમની મુલાકાત હિમેશ રેશમિયા સાથે થઈ હતી. રાનુનું ગીત સાંભળને હિમેશે તેમને વચન આપ્યું કે તે ફિલ્મનું ગીત રેકોર્ડ કરાવશે. આ વચન પુરું કરતા હિમેશે અને રાનૂ મંડલે ફિલ્મ ‘હેપ્પી હાર્ડી એન્ડ હીર’ માટે ગીત રેકોર્ડ કર્યું.
