રેલ યાત્રી માટે 'દેવદૂત' બન્યો આરપીએફનો જવાન, જોઈ લો વિડીયો

કોયમ્બતૂરઃ તામિલનાડુમાં આરપીએફનો એક જવાન રેલ મુસાફરી કરતા યાત્રી માટે તે સમયે ‘દેવદૂત’ બનીને આવ્યો જ્યારે તે ચાલતી ટ્રેનમાંથી પડતો હતો. જવાને ચાલતી ટ્રેનમાંથી એ યુવાનને નીચે પડતા પણ બચાવ્યો અને ટ્રેનમાં અંદર ધકેલવામાં પણ મદદ કરી હતી. જેથી તે ટ્રેનમાંથી નીચે પડતો બચી ગયો હતો. આ ઘટના કોઈમ્બતૂર રેલવે સ્ટેશનમાં શનિવારે દિવસ દરમિયાન બની હતી. આરપીએફ જવાને બતાની સ્ફૂર્તિ આ ઘટના અંગેનો એક વિડીયો પણ સામે આવ્યો છે. જેમાં જોઈ શકાય છે કે એક વ્યક્તિ ચાલતી ટ્રેનમાં ઘૂસવાની કોશિશ કરે છે અને નીચે પડી જાય છે. જોકે, એકદમ સ્ફૂર્તિથી એક આરપીએફ જવાન આવે છે અને મુસાફરને ટ્રેનના ડબ્બામાં ધકેલી દે છે. જો આરપીએફ જવાને થોડી જ સેકન્ડની વાર લગાવી હોત તો એ વ્યક્તિ ટ્રેનની નીચે આવી ગયો હોત. રેલવે વારંવાર કરે છે અપીલ પણ.. ભારતીય રેલ ભલે મુસાફરોને ચાલતી ટ્રેનમાં અંદર ન ઘૂસવાની વારંવાર અપીલ કરતું હોય પરંતુ મુસાફરો પોતાનો જીવ જોખમમાં નાખી ચાલતી ટ્રેનમાં અંદર ઘૂસવા જ લાગે છે. અનેકવાર લોકો ભાગ્યશાળી હોય છે કે તેનો જીવ બચી જતો હોય છે પરંતુ દર વખતે આવું નથી થતું હોતું.