દેશી માછલીઓને જોખમ! ગંગામાં તરતી જોવા મળી અમેરિકામાં દેખાતી સકરમાઉથ કેટફિશ

અભિષેક જાયસ્વાલ, વારાણસીઃ મોક્ષદાયિને ગંગામાં રહેતા પ્રાણીઓ પર મોતનું જોખમ જોવા મળી રહ્યું છે. ગંગામાં ડોલ્ફિન્સની સુરક્ષા માટે તૈનાત ગંગા પ્રહર્સને દક્ષિણ અમેરિકાની એમેઝોન નદીમાંથી જોવા મળતી સકરમાઉથ કેટફિશ મળી છે. આ બીજી વખત છે જ્યારે ગંગામાં આ જળચર પ્રાણીઓ મળી આવ્યા છે. બીએચયુના પ્રાણી વિભાગની નિષ્ણાત ટીમ તેના સંશોધનમાં માટે કામ કરી રહી છે. વૈજ્ઞાનિકોની ટીમે 24 કલાકની તપાસ બાદ તેની ઓળખ કરી છે.

બીએચયુના પ્રોફેસર બેચનલાલે કહ્યું કે દક્ષિણ અમેરિકાની એમેઝોન નદીમાં મળી આવેતી આ માછલીઓ ગંગામાં રહેતા જળચર પ્રાણીઓ માટે મોટો ખતરો છે. આવી માછલીઓ માંસાહારી હોય છે જે પાણીમાં રહેતી દેશી માછલીઓને ખાય છે.

રામનગરના રમના ગામ નજીક ગંગામાં આ સેકમાઉથ કેટફિશ મળી આવી છે. આ વિચિત્ર માછલી મળ્યા બાદ બીએચયુના પ્રાણી વિભાગની નિષ્ણાંત ટીમે આ નદી કિનારે પહોંચીને તપાસ કરી હતી. ગંગામાં આવી કોઈ વધુ માછલીઓ છે કે કેમ તે અંગેની ટીમ તપાસ કરી રહી છે.


નિષ્ણાંતોના મતે ગંગામાં ઘરેલું માછલીઓની સંખ્યામાં આશરે 20 થી 25 ટકાનો ઘટાડો થયો છે, જેનું કારણ આ વિદેશી માછલીઓ છે. આ પહેલા પણ વારાણસીની ગંગામાં કેટફિશ મળી આવી હતી અને હવે સરકમાઉથ કેટફિશની શોધ થયા બાદ ચિંતા વધી ગઈ છે.