બાળકોની ગજબ દેશભક્તિ! ધ્વજવંદન સમયે પડ્યો ધોધમાર વરસાદ, છતાં ન અટક્યું રાષ્ટ્રગાન

મેંગલુરુઃ સ્વતંત્રતા દિવસ પર દેશના અલગ-અલગ ભાગોમાં આઝાદીનું જશ્ન અનોખી રીતે મનાવવામાં આવ્યું. રાષ્ટ્રધ્વજના રંગોમાં ઈમારતોથી લઈને બજાર સુધી રંગાયા. આ વચ્ચે મેંગલુરુમાં સ્કૂલના બાળકો પર દેશભક્તિનો વધુ એક રંગ જોવા મળ્યું. સોશિયલ મીડિયા પર શેર થઈ રહેલા વિડીયોમાં દેખાય છે કે એક પ્રાઈમરી સ્કૂલના બાળકો ભારે વરસાદની વચ્ચે પણ રાષ્ટ્રગાન ગાવાનું બંધ નથી કરતા. સ્કૂલના આ બાળકોની દેશભક્તિની હવે ખૂબ પ્રશંસા થઈ રહી છે.કર્ણાટકના મુડીપૂમાં સાંબર થોટાની એક સરકારી પ્રાઈમરી સ્કૂલનો વિડીયો સોશિયલ મીડિયા પર ખૂબ શેર કરવામાં આવી રહ્યો છે. વિડીયોમાં દેખાય છે કે સ્વતંત્રતા દિવસ પર ધ્વજારોહણ બાદ બાળકો રાષ્ટ્રગાન ગાઈ રહ્યા હતા જે વચ્ચે અચાનક વરસાદ પડવા લાગ્યો. વરસાદનું જોર વધતા કેટલાક લોકો દોડીને શેડ નીચે જવા લાગ્યા પરંતુ બાળકો ત્યાં જ ઊભા રહ્યા.બાળકો સાથે ત્રણ જ શિક્ષકો ઊભા રહ્યા જેમાંથી એક સ્કૂલના પ્રિન્સિપાલ હતા. આ બાળકો અને શિક્ષકો રાષ્ટ્રગાન પૂરું કર્યા બાદ શેડ નીચે ગયા. એક તરફ બાળકો અને શિક્ષકોની રાષ્ટ્રગાનનું સન્માન કરવા માટે સરાહના થઈ રહી છે તો વરસાદ પડતા ભાગનારા લોકોને નિંદાનો પણ સામનો કરવો પડી રહ્યો છે.