બે પત્નીઓને સાચવવા નકલી નોટ છાપતો પતિ ઝડપાયો

I am Gujarat

નકલી કરન્સી નોટ છાપતો હતો સ્કિપ્ટ રાઈટર

મુંબઈ: બાન્દ્રા ક્રાઈમ બ્રાન્ચે સ્ક્રિપ્ટ રાઈટર દેવ કુમાર પટેલને ફેક કરન્સી છાપવા અને વેચવાના આરોપમાં અરેસ્ટ કર્યો છે.

ઘરે કલર પ્રિન્ટરમાં જ છાપતો હતો નોટો

સીનિયર ઈન્સ્પેક્ટર મહેશ દેસાઈની ટીમે તેની પાસેથી 5 લાખ 62 હજાર રૂપિયાની નકલી નોટો જપ્ત કરી છે. જપ્ત નોટોમાં 2000, 500 અને 200 રૂપિયાની કરન્સી નોટ્સ પણ છે. ક્રાઈમ બ્રાન્ચના સૂત્રોનું કહેવું છે કે, દેવ પટેલનું નાલાસોપારામાં ઘર છે, જ્યા તે પોતાની બે પત્નીઓ અને એક બાળક સાથે રહે છે. તે ઘરમાં જ નકલી નોટ છાપતો હતો. તે મૂળ નોટને સ્કેન કરી પછી ઘરમાં લગાવેલા કલર પ્રિન્ટરથી આ નકલી નોટ્સ છાપતો હતો. આ રીતે એક જ નંબરની ઓછામાં બે નોટો બજારમાં સર્કુલેટ થતી હતી.

50 ટકા કમિશને લોકો વેચી મારતો

તે છેલ્લા એક વર્ષથી આ નકલી નોટોના બિઝનેસમાં હતો. તેણે આ દરમિયાન ઈન્દોર, ભોપાલ અને ગોવામાં સૌથી વધુ નોટોનું વિતરણ કર્યું. જે લોકો આ નોટો ખરીદતા હતા, તેમને તે 50 ટકા કમિશન પર વેચતો હતો, આ તમામ નોટો નાના દુકાનદારો દ્વારા કાઢવામાં આવતી હતી.

આંકડો જાણવા CBI કરી રહી છે તપાસ

ક્રાઈબ બ્રાન્ચ એ વાતની તપાસ કરી રહી છે કે, તેણે એક વર્ષમાં આ પ્રકારની કેટલી નોટો છાપી અને બજારમાં સર્ક્યુલેટ કરી.