73 દિવસમાં નહીં મળે કોરોના વેક્સીન, બનાવનારી કંપનીએ જણાવ્યું ક્યારે મળશે

નવી દિલ્હી: ભારતમાં કોરોના વાયરસ વેક્સીનની રેસમાં સીરમ ઈન્સ્ટિટ્યૂટ ઓફ ઈન્ડિયા (SII) સૌથી આગળ છે. તે ઓક્સફર્ડ યુનિવર્સિટીએ ડેવલપ કરેલી વેક્સીનનું ટ્રાયલ અને પ્રોડક્શન કરી રહી છે. કંપનીને સરકાર તરફથી વેક્સીનના ઉત્પાદનની મંજૂરી મળી છે, પંરતુ માત્ર ભવિષ્યમાં ઉપયોગ માટે. કેટલાક રિપોર્ટસમાં કહેવાયું હતું કે, SIIની વેક્સીન COVISHIELD 73 અંદર બજારમાં ઉપલબ્ધ થશે. પરંતુ કંપનીનું કહેવું છે કે, આ માત્ર અંદાજ છે. વેક્સીન બજારમાં ત્યારે આવશે, જ્યારે ટ્રાયલ સફળ થાય અને રેગ્યુલેટરી એપ્રુવલ મળી જશે.

સામેથી જણાવીશું, ક્યારેક આવશે વેક્સીન: SII
સીરમ ઈન્સ્ટિટ્યૂટ ઓફ ઈન્ડિયાએ એક સ્ટેટમેન્ટમાં કહ્યું કે, 'સરકાર હાલમાં અમને માત્ર ભવિષ્યમાં ઉપયોગ માટે વેક્સીનના ઉત્પાદન અને સંગ્રહની મંજૂરી આપી છે.' કંપનીએ સ્પષ્ટ કહ્યું છે કે, COVISHIELDને ત્યારે જ કોમર્શિયાલાઈઝ્ડ કરાશે, જ્યારે ટ્રાયલ્સમાં તેને સફળતા મળે અને પછી રેગ્યુલેટરી એપ્રુવલ મળી જાય. ઓક્સફર્ડ-એસ્ત્રાજેનેકાની વેક્સીનનું ફેઝ-2 ટ્રાયલ ચાલી રહ્યું છે. કંપનીએ કહ્યું કે, એકવખત વેક્સીન પ્રતિરોધી અને પ્રભાવી સાબિત થઈ જાય, તો તે તેની ઉપલબ્ધતાની પુષ્ટિ કરશે. કંપનીની વેક્સીન ગરીબ અને મધ્યમ વર્ગની શ્રેણીમાં આવતા દેશો (LMICs)માં માત્ર 3 ડોલર (લગભગ 255 રૂપિયા)માં ઉપલબ્ધ કરાવાશે.

ભારતમાં 17 સેન્ટર્સ પર ટ્રાયલ
'નેચર' જર્નલમાં છપાયેલા સ્ટડી મુજબ, વાંદરાઓ પર વેક્સીન સંપૂર્ણ રીતે અસરકારક સાબિત થઈ. તેમાં કોવિડ-19 પ્રત્યે ઈમ્યુનિટી ડેવલપ થઈ. મનુષ્યો પર ફેઝ-1 અને ટ્રાયલ પૂરું થઈ ચૂક્યું છે. ભારત, બ્રાઝિલ સહિત દુનિયાના ઘણા દેશોમાં ફેઝ-2 ટ્રાયલ ચાલુ છે. 17 સેન્ટરો પર 1600 લોકોમાં આ ટ્રાયલ 22 ઓગસ્ટથી શરૂ થયું છે. દરેક સેન્ટરમાં લગભગ 100 વોલન્ટિયર છે. નવેમ્બર સુધી ટ્રાયલ પુરું થવાની આશા છે. પરિણામ સારા રહ્યા તો રેગ્યુલેટરી એપ્રુવલ બાદ વેક્સીનનું લાર્જ-સ્કેલ પ્રોડક્શન શરૂ થવામાં આગામી વર્ષની શરૂઆત સુધીનો સમય લાગી શકે છે.

કોણે બુક કરી દીધી છે ઓક્સફર્ડની વેક્સીન?
દુનિયાભરના દેશોએ ઓક્સફર્ડની વેક્સીન ખરીદવામાં રસ બતાવ્યો છે. યુનાઈટેડ કિંગડમે 100 મિલિયન ડોઝની ડીલ કરી છે. બ્રાઝિલ સરકારે પણ 127 મિલિયન ડોલરમાં 30 મિલિયન ડોઝ ખરીદવાનો સોદો કર્યો છે. યુરોપિયન યુનિયનના ઘણા દેશ હજુ સોદાબાજીની પ્રક્રિયામાં છે. ઓક્સફર્ડએ કહ્યું છે કે, યુકેમાં આ વેક્સીન ઓછી કિંમતમાં મળશે.

વેક્સીન બનાવનારાઓના સંપર્કમાં સરકારકેન્દ્રિય સ્વાસ્થ્ય મંત્રી ડો. હર્ષવર્ધને કહ્યું છે કે, અમારી એક વેક્સીન કેન્ડિડેટ ક્લિનિકલ ટ્રાયલના ત્રીજા તબક્કામાં છે. સરકાર SII ઉપરાતં ઘણી ફાર્મા કંપનીઓના સંપર્કમાં છે અને વધુમાં વધુ વેક્સીન મેળવવા ઈચ્છે છે. જો, ICMR અને ભારત બાયોટેક દ્વારા વિકસિત કરવામાં આવી રહેલી 'કોવેક્સીન' અને ઝાયડસ કેડિલાની 'ZyCoV-D' ટ્રાયલમાં સફળ થાય છે, તો તેના ઓર્ડર પણ આપવામાં આવી શકે છે.