ભારત અને ગરીબ દેશો માટે 10 નહીં 20 કરોડ કોરોના વેક્સીન તૈયાર કરવામાં આવશે

નવી દિલ્હીઃ સીરમ ઈન્સ્ટિટ્યુટ (serum institute) હવે ભારતમાં બમણા પ્રમાણમાં કોરોના વેક્સીન (Corona Vaccine) તૈયાર કરશે. કંપનીએ ટ્વીટમાં જણાવ્યું છે કે હવે તેને 10 કરોડની જગ્યાએ 20 કરોડ વેક્સીન ડોઝ તૈયાર કરશે. સીરમ ઈન્સ્ટિટ્યુટ ઓફ ઈન્ડિયા (SII)એ ટ્વટ કરીને જણાવ્યું છે કે, "ઓગસ્ટમાં અમે વૈશ્વિક સહયોગીઓ સાથે 10 કરોડ ડોઝ ડિલિવર કરવાની જાહેરાત કરી હતી, પરંતુ હવે અમે કોવિડ-19ના સુરક્ષિત અને પ્રભાવી 10 કરોડ ડોઝનું વધારાનું ઉત્પાદન કરવાનું લક્ષ્ય લઈને ચાલી રહ્યા છીએ." કંપનીએ કહ્યું કે બધું બરાબર રહ્યું તો 2021ની શરુઆતમાં (જૂન મહિના પહેલા) વેક્સીનની ડિલિવરી શરુ કરી દેવાશે. તેણે ભારતમાં કોવિડ વેક્સીન બનાવવાની શરુ કરી દીધી છે.

દુનિયાની સૌથી મોટી વેક્સિન નિર્માતા કંપનીએ આ સંબંધમાં નિવેદન આપ્યું છે. તેણે કહ્યું છે કે ભારતની સાથે-સાથે દુનિયાના ઓછી અને મધ્યમ વસ્તી ધરાવતા દેશો માટે 10 કરોડ ડોઝ તૈયાર કરવાનું પ્લાનિંગ બદલાઈ ગયું અને હવે 20 કરોડ ડોઝ તૈયાર કરવાનો નિર્ણય કરાયો છે. કંપનીએ જણાવ્યું કે કોરોના વેક્સીન બનાવીને તેની ડિલિવરી કરવા માટે તેનું ગાવી અને બિલ એન્ડ મેલિન્ડા ગેટ્સ ફાઉન્ડેશન સાથે કરાર થયો છે. ે

કંપનીએ કહ્યું છે કે તેની કિંમત તેના સહયોગીઓના ફંડિંગમાંથી મળશે. હવે વેક્સીનને જે રીતે રેગ્લુટેરી અપ્રૂવલ મળશે અને WHO (World Health Organisation) પણ લીલી ઝંડી બતાવશે, વેક્સીનની ડિલિવરી આગામી વર્ષે જૂન આવતા-આવતા શરુ કરાશે.


યાદ રહે કે હાલમાં જ બે દિવસ પહેલા 26 સપ્ટેમ્બરે સીરમ ઈન્સ્ટીટ્યુટના CEO અદાર પૂનાવાલાએ ટ્વીટ કરીને પૂછ્યું હતું કે શું પુરતી કોરોના રસી ખરીદવા માટે આગામી વર્ષ સુધીમાં ભારત સરકાર પાસે 80 હજાર કરોડ રુપિયા હશે? તેમણે ત્યારે જણાવ્યું હતું કે 80 હજાર કરોડ રુપિયામાં દરેક ભારતીય માટે વેક્સીન તૈયાર થઈ જશે.

1966માં થઈ હતી સીરમ ઈન્સ્ટિટ્યુટની સ્થાપના

સીરમ ઈન્સ્ટિટ્યુટ ઓફ ઈન્ડિયાની સ્થાપના અદાર પૂનાવાલાના પિતા સાઈરસ પૂનાવાલાએ વર્ષ 1966માં કરી હતી. સીરમ ઈન્સ્ટીટ્યુટ ઓક્સફોર્ડ યુનિવર્સિટીના કોરોના વેક્સીન પ્રોજેક્ટમાં પાર્ટનર છે અને ભારતમાં વેક્સીનની ટ્રાયલ કરાવી રહ્યા છે. સંખ્યાની દૃષ્ટીએ દુનિયાના સૌથી વધુ વેક્સીન બનાવનારી કંપની સીરમ ઈન્સ્ટીટ્યુટ કોડાગેનિક્સ CDX-005ને વિકસિત કરશે, જેને ઈન્જેક્શનના બદલે આંતરીક રીતે આપવામાં આવશે.