સીરમ ઈન્સ્ટીટ્યુટે ભારતમાં 'કોવિશીલ્ડ' વેક્સીનના ઈમરજન્સી ઉપયોગની મંજૂરી માગી

સીરમ ઈન્સ્ટીટ્યુટ ઓફ ઈન્ડિયા (SIE)એ રવિવારે ભારતમાં ઓક્સફર્ડની કોવિડ-19 વેક્સીન 'કોવિશીલ્ડ'ના ઈમરજન્સી ઉપયોગની ઔપચારિક મંજૂરી પ્રાપ્ત કરવા માટે DCGI સમક્ષ અરજી કરી છે. આ સાથે જ તે આમ કરનારી પહેલી સ્વદેશી કંપની બની ગઈ છે. આ પહેલા અમેરિકાન કંપનીએ Pfizerની કોરોના વેક્સીનના ઈમરજન્સી ઉપયોગ માટે ભારત સરકારને અરજી કરી હતી.

આ ખબરને લઈને સીરમ ઈન્સ્ટીટ્યૂટ ઓફ ઈન્ડિયાના સીઈઓ અદાર પૂનાવાલાએ ટ્વીટ કરીને જાણકારી આપતા કહ્યું કે, જેવું કે પ્રોમીસ કર્યું હતું. 2020ના અંત પહેલા, સીરમ ઈન્સ્ટીટ્યુટ ઓફ ઈન્ડિયાએ પહેલી મેડ-ઈન-ઈન્ડિયા વેક્સીન, 'કોવિશિલ્ડ'ના ઈમરજન્સી ઉપયોગની મંજૂરી માટે અરજી કરી છે. તેનાથી સૈંકડો જીવન બચશે, અને હું અમૂલ્ય સહયોગ માટે ભારત સરકાર અને શ્રી નરેન્દ્ર મોદીજીનો આભાર વ્યક્ત કરું છું.

દુનિયાની સૌથી મોટી વેક્સીન નિર્માતા સીરમ ઈન્સ્ટીટ્યૂટ અનુસાર એસ્ટ્રાજેનેકાની વેક્સીન કોવિશીલ્ડ માટે 2-8 ડિગ્રી તાપમાનની જરૂર હોય છે. સાથે જ ભારતમાં તેનું વિતરણ પણ સરળ છે.

આ વેક્સીનને મંજૂરી માટે ઈન્સ્ટીટ્યૂટે ડ્રગ્સ કન્ટ્રોલર જનરલ ઓફ ઈન્ડિયા પાસે અરજી કરી છે. આ અરજીમાં વેક્સીનના ચાર ક્લિનિકલ અભ્યાસનો ઉલ્લેખ કરાયો છે. તેમાંથી બે બ્રિટન, એક બ્રાઝિલ અને એક ભારતમાં કરાયો છે. આ અભ્યાસ બાદ સકારાત્મક પરિણામ સામે આવ્યા છે જે મુજબ, કોવિશીલ્ડમાં કોરોના વાયરસના સંક્રમણથી બચાવવાની પૂરી ક્ષમતા છે. આ પહેલા શનિવારે Pfizerએ પણ ભારતમાં વેક્સીન માટે મંજૂરી માગી હતી. બ્રિટનમાં આ જ અઠવાડિયે વેક્સીન પ્રોગ્રામ શરૂ કરવામાં આવશે.