કોમલને લાગતું કે તેનું મગજ પુરુષની જેમ વિચારતું હતું

રાહુલ આનંદ, નવી દિલ્હીઃ 27 વર્ષ સુધી છોકરી તરીકે જીવનારી કોમલ હવે પુરુષ બનીને ઘણી ખુશ છે. ઇન્દોરની કોમલ સેક્સ ચેન્જ કરાવીને કબીર બની ગઈ છે. હવે કબીર તેના નવા જેન્ડરથી ખુશ છે. ટીનેજથી જ કબીરના મગજમાં કેમિકલ રિએક્શન શરૂ થઈ ચૂક્યું હતું. તેને લાગતું હતું કે, તે પુરુષ છે, તેના મગજમાં હંમેશાં પુરુષ જેવા વિચારો રમતા હતા. તે કહે છે કે, આખરે ક્યાં સુધી હું પોતાની સાથે લડું. મેં નિર્ણય લીધો અને હવે મારી સાથે છે મારો આખો પરિવાર, મારા મિત્રો. નવજીવન મેળવીને ખુશ છું.’

ફોર્ટિસ શાલીમાર બાગના પ્લાસ્ટિક એન્ડ રિકન્સ્ટ્રક્ટિવ સર્જરી વિભાગનાં એચઓડી ડો. રિચી ગુપ્તા કહે છે કે, મધ્ય પ્રદેશના ઇન્દોરમાં રહેતી કોમલ (હવે કબીર)ને નાનપણથી જ લાગતું હતું કે તેનામાં કોઈ ગરબડ છે. આ પ્રકારની ગરબડને મેડિકલી જેન્ડર ડાયસોફોરિયા કહેવામાં આવે છે. આ કેસમાં ફિઝિકલી તેનું શરીર સ્ત્રીનું હતું, પણ મગજ પુરુષો જેવું હતું. આ પ્રકારના જેન્ડર ડાયસોફોરિયાના મામલા પ્રત્યેક સવા લાખ સ્ત્રીમાંથી એકમાં જોવા મળે છે. આ પ્રકારે તે પુરુષ હોવા છતાં કોઈ સ્ત્રીના શરીરમાં ફસાઈ ગયાની લાગણી અનુભવે છે.

ડોક્ટર્સનું કહેવું છે કે, જ્યારે તે અહીં સારવાર માટે આવી તો ઇન્ટરનેશનલ ગાઇડલાઇન્સના અનુસાર તેની ટ્રીટમેન્ટ શરૂ કરવામાં આવી. પુરુષમાંથી સ્ત્રી થવું તે એક સર્જરીથી સંભવ છે, પરંતુ સ્ત્રીમાંથી પુરુષ બનવામાં ત્રણ સર્જરી કરવાની હોય છે અને દરેક સર્જરીમાં ત્રણથી છ મહિનાનું અંતર જરૂરી છે. આ કેસમાં સૌપ્રથમ બે સાઇક્યિાટ્રિસ્ટ દર્દીની તપાસ કરે છે, જેમાં એક ટ્રીટિંગ હોસ્પિટલની બહારના હોય છે.



ડોક્ટર્સ તેમાં જુએ છે કે, દર્દી માનસિક રીતે તૈયાર છે કે નહિ. જ્યારે બધી તપાસ થઈ જાય છે ત્યારે સર્જરીની શરૂઆત કરવામાં આવે છે. ડોક્ટર્સના જણાવ્યા મુજબ, કબીરનો કેસ એટલા માટે પણ બીજા કરતાં અલગ છે, કારણ કે તેણે પોતાને છુપાવીને આ સર્જરી નથી કરાવી. તેમાં તેને તેના પરિવાર અને મિત્રોનો સંપૂર્ણ ટેકો મળ્યો હતો.

ત્રણ સ્ટેજમાં હોય છે સર્જરી
પહેલી સર્જરીઃ સૌપ્રથમ હોર્મોન ચેન્જ માટે ઇન્ડોક્રોનોલોજિસ્ટ પાસે મોકલાય છે, જ્યાં હોર્મોનલ થેરેપી શરૂ કરવામાં આવે છે. તેનાથી કોમલમાં પુરુષ જેવો ચેન્જ શરૂ થઈ ગયો. ત્યાર બાદ પહેલી સર્જરીમાં બ્રેસ્ટ રિડક્શ કરવામાં આવે છે. તે દોઢ કે બે કલાકની સર્જરી હોય છે. તેમાં લગભગ એક લાખ રૂપિયાનો ખર્ચ થાય છે.

બીજી સર્જરીઃ પહેલી સર્જરીના ત્રણ મહિના બાદ બીજી સર્જરી કરવામાં આવે છે, જેમાં યુટ્રસ, ઓવરી અને પાર્ટ ઓફ યુરિનરી કાઢવામાં આવે છે. તે દોઢથી બે કલાકની સર્જરી હોય છે, જેમાં લગભગ એક લાખ રૂપિયાનો ખર્ચ થાય છે.

ત્રીજી સર્જરીઃ આ કન્સ્ટ્રક્ટિવ સર્જરી હોય છે. તેમાં દર્દીની અંદર પેનિસ, યુરિન પાઇપ, સ્ક્રોટમ બનાવવામાં આવે છે. તે લગભગ 8થી 10 કલાકની સર્જરી હતી. કોમલમાં આ સર્જરી કરાવ્યે છ મહિનાથી વધુ સમય થઈ ગયો છે, તેમાં ઘણો બદલાવ આવી ચૂક્યો છે.