શરદ પવારની ગૂગલી, 'ભાજપ-શિવસેના બનાવે સરકાર પ્રજાએ તેમને ચૂંટ્યા'

નવી દિલ્હી/મુંબઈઃ મહારાષ્ટ્રમાં સરકાર બનાવવા અંગે રહસ્ય વધુને વધુ ઘેરાઈ રહ્યું છે. હવે જ્યારે બધાની નજર NCP તરફ છે ત્યારે શું કોંગ્રેસ સાથે મળીને NCP મહારાષ્ટ્રમાં શિવસેનાની સરકાર બનાવવા ટેકો આપશે કે નહીં. શિવસેનાના નેતા સંજય રાઉત એક જ સપ્તાહમાં બીજીવાર પવારને મળ્યા તેની પાછળનું રહસ્ય શું છે. આ બધા સવાલોના જવાબ આપતા શરદ પવારે એવી વાત મુકી કે રહસ્ય વધુ ગુંચવાઈ ગયું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:મહારાષ્ટ્રની રાજનીતિમાં માહેર ખેલાડી ગણાતા શરદ પવારે કહ્યું કે, ‘પ્રજાએ અમને તો વિપક્ષમાં બેસાવા માટે જ ચૂંટ્યા છે. મને ભરોસો છે કે શિવસેના અને ભાજપ ફરી સાથે મળીને સત્તા બનાવશે. જોકે સરકાર બનાવવા માટેને અંતિમ 72 કલાકમાં શું થશે તે કહેવાય નહીં.’મહત્વનું છે કે આજે સવારે શિવસેના નેતા સંજય રાઉત અને શરદ પવાર વચ્ચે મુલાકાત યોજાઈ હતી. જેના પર સવાલ પૂછાતા તેમણે કહ્યું કે ‘મને સરકાર બનાવવા કોઈ આમંત્રણ મળ્યું નથી કે નથી હું મુખ્યમંત્રી બની રહ્યો. ભાજપ અને શિવસેના તો 25 વર્ષથી એકબીજા સાથે છે અને તેમણે જ સરકાર બનાવવી જોઈએ.’ શરદ પવારના આ ગૂગલી બાદ મહારાષ્ટ્રના રાજકરણમાં રહસ્ય વધુ ઘેરું બન્યું છે કે આખરે શું થવા જઈ રહ્યું છે.તેમણે કહ્યું કે રાષ્ટ્રપતિ શાસનથી બચવા માટે એક જ વિકલ્પ છે કે ભાજપ અને શિવસેના સાથે મળીને સરકાર બનાવે. જોકે નિષ્ણાંતો મુજબ એવું પણ બની શકે કે ભાજપ-શિવસેનાની સરકારવાળું નિવેદન પવારે શિવસેના પર દબાણ વધારવા માટે આપ્યું હોય. જો શિવસેના છેવટ સુધી અડગ રહે અને ગઠબંધન કરવું પડે તો આ સ્થિતિમાં NCPનું પલડું ભારે રહે તે માટે શરદ પવારે એક અઠંગ રાજનીતિજ્ઞ તરીકે આ દાવ રમ્યો હોવાનું કેટલાક રાજકીય પંડિતો માની રહ્યા છે.અયોધ્યા ચુકાદા પહેલા શાંતિની કરી અપીલમીડિયા સામે આવ્યા બાદ શરદ પવારે અનેક જુદા જુદા મુદ્દે કેન્દ્ર સરકાર પર સવાલ ઉઠાવ્યા હતા. જેમાં ખેડૂતોથી લઈને દિલ્હી પોલીસ સહિતાના મામલે તેમણે કેન્દ્ર સામે અનેક સવાલ ઉઠાવ્યા સાથે અયોધ્યા મામલે સુપ્રીમ કોર્ટના ચુકાદા અંગે તેમણે લોકોને શાંતિ જાળવી રાખવા અને સામાજીક સમરસતા જાળવવા માટે અપીલ કરી હતી. તેમજ મહારાષ્ટ્રના ખેડૂતોને તત્કાળ સહાય માટે મદદ કરવા કેન્દ્ર પાસે માગણી કરી હતી.