શિવસેનાની નવી ગેમ: આદિત્ય ઠાકરેને બદલે એકનાથ શિંદેને નેતા તરીકે પસંદ કરાયા

મુંબઈ: મહારાષ્ટ્રમાં વિધાનસભા ચૂંટણીના પરિણામ આવ્યાને એક સપ્તાહ થઈ ચૂક્યું છે, પરંતુ સત્તા માટેની ખેંચતાણ હજુય ખતમ નથી થઈ. ભાજપ અને શિવસેના વચ્ચે 50-50 ફોર્મ્યુલા પર હજુય મામલો અટકેલો છે. આ દરમિયાન શિવસેનાના ધારાસભ્ય દળની બેઠકમાં એકનાથ શિંદને નેતા તરીકે ચૂંટવામાં આવ્યા છે. ખુદ આદિત્ય ઠાકરેએ જ તેના માટેનો પ્રસ્તાવ મૂક્યો હતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો એવી અટકળો હતી કે શિવસેનાની બેઠકમાં આદિત્ય ઠાકરેને ધારાસભ્ય દળના નેતા ચૂંટવામાં આવશે. જોકે, આદિત્યએ ખુદ એકનાથ શિંદેના નામનો પ્રસ્તાવ મૂક્યો હતો. એવું માનવામાં આવી રહ્યું છે કે સત્તાને લઈને ચાલી રહેલા સસ્પેન્સ વચ્ચે શિવસેનાએ પોતાના નેતાઓ અને પાર્ટીના કાર્યકર્તાઓ વચ્ચે સકારાત્મક સંદેશ આપવા માટે એકનાથ શિંદેને ધારાસભ્ય દળના નેતા તરીકે પ્રોજેક્ટ કર્યા છે. શિવસેનાના 56 ધારાસભ્યોએ શિંદેને નેતા તરીકે ચૂંટવાની તરફેણમાં મત આપ્યો હતો. જોકે, તેનો મતલબ એ નથી કે આદિત્ય ઠાકરેની સીએમ બનવાની સંભાવના ખતમ થઈ ગઈ છે. એકનાતને નેતા બનાવ્યા બાદ પણ શિવસેના આદિત્ય ઠાકરેને સીએમ બનાવવા આગળ કરી શકે છે. આજની બેઠકમાં સુનીલ પ્રભુને ગૃહમાં પક્ષના મુખ્ય દંડક બનાવાયા છે. તમામ ધારાસભ્યો આજે રાજ્યપાલને મળવાના છે, તેવામાં રાજકીય માહોલ ગરમાયો છે. 26:13ની ફોર્મ્યુલા પર થશે સમજૂતી? સૂત્રોનું માનીએ તો, શિવસેનાની બેઠકમાં ભાજપના ઉપમુખ્યમંત્રી પદની ઓફર પર ચર્ચા નથી થઈ. એવું જાણવા મળ્યું છે કે ભાજપે શિવસેનાને ડેપ્યુટી સીએમનું પદ તેમજ 13 મંત્રી આપવાનો નિર્ણય લીધો છે. ભાજપના સૂત્રોનું માનીએ તો, ફડણવીસ ખુદ શિવસેના પ્રમુખ સાથે આ અંગે ચર્ચા કરી શકે છે. ભાજપે જે પ્રસ્તાવ તૈયાર કર્યો છે તેમાં 26 મંત્રી પદ તે પોતાની પાસે રાખશે અને 13 શિવસેનાને મળશે. ભાજપ રેવન્યુ, નાણાં, ગૃહ અને શહેરી વિકાસ જેવા મહત્વના ખાતા પોતાની પાસે રાખી શકે છે. સરકારમાં કેટલી કેબિનેટ બર્થ હશે તે વાતચીત બાદ નક્કી થશે.