ડુંગરપુર: રાજસ્થાનના ડુંગરપુર જિલ્લામાં ગુજરાતને જોડતી રતનપુર બોર્ડર પર શનિવારે દવાઓના સપ્લાયની આડમાં ગેરકાયદેસર દારૂની તસ્કરીનો પર્દાફાશ થયો છે. એસપી જય યાદવ દ્વારા ગેરકાયદેસર દારૂની તસ્કરી વિરુદ્ધ ચલાવવામાં આવી રહેલા અભિયાન હેઠળ પોલીસને આજે મોટી સફળતા મળી છે. બિછીવાડા સ્ટેશન પોલીસે ગુજરાત સાથે જોડાયેલી રતનપુર બોર્ડર પર ગેરકાયદેસર દારૂથી ભરેલા બે વાહનોને જપ્ત કરતા રૂપિયા 50 લાખની કિંમતનો ગેરકાયદેસર દારૂ જપ્ત કર્યો છે જ્યારે 3 તસ્કરોની ધરપકડ કરી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
એસપી જય યાદવે જણાવ્યું કે સૂત્રો દ્વારા મળેલી માહિતી બાદ રતનપુર બોર્ડર પર નાકાબંધી કરવામાં આવી હતી. ચેકિંગ દરમિયાન એક ટ્રકને રોકીને તપાસ હાથ ધરવામાં આવી. તપાસ દરમિયાન પોલીસને ટ્રકમાં કેબિનની પાછળના એક ગુપ્ત ખાનામાંથી દારૂ મળી આવ્યો. જેની બજાર કિંમત રૂપિયા રૂપિયા 35 લાખ હોવાનું જાણવા મળ્યું છે. આ કેસમાં પોલીસે ટ્રકચાલકની ધરપકડ કરી છે. ટ્રકમાં ગેરકાયદેસર દારૂની તસ્કરી કરવામાં આવી રહી હતી.
આ પ્રકારની એક પિકઅપ જીપને રોકીને જ્યારે તપાસ કરવામાં આવી ત્યારે તેમાં રૂપિયા 15 લાખની કિંમતનો દારૂ મળી આવ્યો હોવાનું જાણવા મળ્યું છે. આ પિકઅપ જીપમાં દવાની આડમાં દારૂ લઈ જવામાં આવી રહ્યો હતો. જે 3 આરોપીઓની ધરપકડ કરવામાં આવી તેમણે જણાવ્યું કે હરિયાણાથી દારૂ ભરીને ગુજરાત લઈ જવામાં આવી રહ્યો હતો. હાલ પોલીસ આરોપીઓની પૂછપરછ કરી રહી છે.
મંત્રી કાનાણીના દીકરા અને મહિલા કોન્સ્ટેબલ વચ્ચેની બબાલનો ઓડિયો વાયરલ