ઉંદર પકડવા માટે મૂક્યા હતા ગ્લૂ પેડ પરંતુ તેમાં ફસાયો ઝેરી સાપ

મુંબઈઃ મહારાષ્ટ્રની રાજધાની મુંબઈમાં એક ઝેરી સાપ ઉંદર પકડવા માટેના ગ્લૂ પેડમાં ફસાઈ ગયો. ઉંદર પકડવા માટે શોપિંગ મોલની બહાર ગ્લૂ પેડ મૂકવામાં આવ્યું હતું. સાપ પકડાયા બાદ ભારે મુશ્કેલી બાદ તેને ગ્લૂ પેડમાંથી અલગ કરાયો. મળી રહેલી માહિતી મુજબ બુધવારે શોપિંગ મોલમાં કેટલાક લોકોએ એક ગ્લૂ પેડમાં સાપને ફસાયેલો જોયો. તે ગંભીર રીતે ફસાયેલો હતો માત્ર પુંછડી જ બહાર હતી. ત્યાર બાદ તજજ્ઞો દ્વારા આ ઝેરી સાપને ગ્લૂ પેડમાંથી બહાર કાઢવામાં આવ્યો અને તેના શરીર પર લાગેલા ગ્લૂને કપડાથી સાફ કરવામાં આવ્યો. સાપના રેસક્યૂની ઘટના વન વિભાગના અધિકારીઓને કરવામાં આવી. સાપને હાલ વન વિભાગના અધિકારીઓની દેખરેખમાં રાખવામાં આવ્યો છે. એક્સપર્ટના મતે હાલમાં સાપને છોડી મૂકવો યોગ્ય નથી. જ્યાં સુધી તેના શરીર પરનો ગુંદર સંપૂર્ણ રીતે નીકળી ન જાય ત્યાં સુધી રાખવામાં આવશે.