અનોખી રીતે એન્જિનિયરે ઉજવ્યો પોતાની દીકરીનો જન્મદિવસ

I am Gujarat

અનોખી રીતે ઉજવ્યો દીકરીનો જન્મદિવસ

એક સોફ્ટવેર એન્જિનિયરે પોતાની દીકરીના પહેલા જન્મદિવસને અનોખી રીતે ઉજવ્યો હતો. પોતાની દીકરીના પહેલા જન્મદિવસને યાદગાર બનાવવા માટે તેણે વડાગામ શેરી સ્થિત મેહર આશ્રમની દીકરીઓને મફતમાં સેનિટરી નેપકિન આપીને અનોખું ઉદાહરણ બેસાડ્યું હતું.

આપ્યા સેનેટરી નેપકિન્સ

આ વિશે સોફ્ટવેર એન્જિનિયર ગૌરવ પારીખે જણાવ્યું કે,”હું પણ અન્યની જેમ કેક કાપીને તેમજ દોસ્ત અને પરિવાર સાથે પાર્ટી કરીને જન્મદિવસની ઉજવણી કરતો આવ્યો છું પરંતુ થોડા સમય પહેલા મારા દોસ્ત પાસેથી મને જાણવા મળ્યું કે માસિકના કારણે છોકરીઓ સ્કૂલ નથી જઇ શકતી. આ સાથે જ સેનેટરી નેપકિન ના હોવાને કારણે તેને સ્કૂલમાંથી બહાર કાઢી મૂકવામાં આવે છે. આ સાંભળીને મને આશ્ચર્યની સાથે અફસોસ પણ થયો હતો.”

જન્મદિવસ પર આપી ખાસ ગિફ્ટ

ગૌરવે જણાવ્યું કે,”મને મારી દીકરીનો વિચાર આવ્યો હતો કે તે જ્યારે તે મોટી થશે ત્યારે પોતાને કેવી રીતે મેનેજ કરશે. મને અહેસાસ થયો કે કોઇ પણ છોકરી શારીરિક પ્રક્રિયાના કારણે સન્માનજનક જીવન અને શિક્ષણથી વંચિત ના રહેવી જોઇએ. આથી મેં મારી દીકરીના જન્મદિવસ પર કંઇક ખાસ કરવાનું વિચાર્યું હતું. મેં નક્કી કર્યું હતું કે દીકરીના જન્મદિવસ પર છોકરીઓને એવી ગિફ્ટ આપીશ. જેની તેમને સૌથી વધુ જરૂર છે.”

ઇકો-ફ્રેન્ડલી નેપકિન્સના 140 પેકેટ્સ

પારીક પરિવારે મેહર આશ્રમની 60 છોકરીઓને ઇકો-ફ્રેન્ડલી નેપકિન્સના 140 પેકેટ વેચ્યા હતાં. આ સાથે જ યુવતીઓને તેના વપરાશની માહિતી અને ઉપયોગ પછી ડિસ્પોઝલ કઇ રીતે કરવું તે પણ જણાવ્યું હતું. પારિકે જણાવ્યું હતું કે,”હું જાણું છું કે હાલ મારી દીકરી આ સમજવા માટે ખૂબ નાની છે. પરંતુ મને લાગે છે કે જો આપણે આવી એક્ટિવિટીમાં બાળકોને સાથે રાખીએ તો આપણા બાળકો એક જવાબદાર નાગરિક બનશે.”