ઈ-મેઇલ કરી ફસાવાય છે લોકોને, સેક્સ વીડિયો વાયરલ કરવાની ધમકી

નવી દિલ્હીઃ ઇન્ટરનેટ પર સેક્સ વીડિયો જોવા અથવા વેબકેમ દ્વારા ચેટિંગ કરતા સમયે આવા વીડિયો શૂટ કરવા તમારા માટે ખૂબ જ મોટી મુસીબત બની શકે છે. હાલમાં જ આવેલ એક રિપોર્ટ મુજબ દુનિયાભરના લાખો યુઝર્સને તેમના સેક્સ વીડિયો લીક કરવાની ધમકી આપીને રુપિયાની ખંડણી કરવામાં આવે છે. તમને જાણીને આશ્ચર્ય થશે કે આ સમગ્ર ખેલ ઈન્ટરનેટ અને ઈમેલ દ્વારા થાય છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ગ્લોબલ સાઇબર સિક્યોરિટી ફર્મ ચેકપોઇન્ટના રિપોર્ટ મુજબ Phorpiex નામે એક બોટનેટ છે. જે પ્રતિ કલાક 30 હાજર યુઝર્સને આવા મેઇલ્સ મોકલે છે. જેમાં તેમના અંગત સેક્સ કન્ટેન્ટને લીક કરવાની ધમકી આપે છે. કહેવામાં આવ્યું છે કે પાછલા 5 મહિનામાં Phorpiexના ખાતામાં 1,10,000 ડોલર ટ્રાન્સફર થયા છે. વધુ ખતરનાક વાત તો એ છે કે આ માલવેર પાસે તમારો પાસવર્ડ પણ પહોંચી જાય છે. જેથી આ ખંડણીખોર તેના મેઇનની પહેલી જ લાઈનમાં યુઝરનો પાસવર્ડ લખીને તેને ડરાવે છે કે તેની સાથે શું શું થઈ શકે છે. ખોટી રીતે રુપિયા કમાવવાની આ રીત નવી છે અને લોકો પોતાની અંગત માહિતી લીક થવાના ડરે એટલા ભયભીત થઈ જાય છે કે આ ખંડણીખોર જે માગણી કરે તે રકમ તેના ખાતામાં ભરી દે છે. લોકો આ અંગે ફરિયાદ કરવાની જગ્યાએ ચૂપ રહેવામાં જ સમજદારી હોવાનું સમજે છે. અહેવાલ મુજબ આ બોટનેટ છેલ્લા 10 વર્ષથી સક્રિય છે અને અત્યાર સુધીમાં 4 લાખ જેટલા ઇન્ફેક્ટેડ હોસ્ટને ઓપરેટ કરે છે. જેના દ્વારા તે ખૂબ મોટાપાયે સેક્સટોર્શન કેમ્પેઇન ચલાવે છે.