ઓનલાઈન એજ્યુકેશન
કોરોનાને કારણે સ્કૂલો બંધ છે. જોકે ઘણી સ્કૂલોએ ઓનલાઈન ક્લાસ શરૂ કરી દીધા છે. એવામાં ઘણા વિદ્યાર્થીઓ એવા પણ છે કે તેમને ઓનલાઈન ક્લાસમાં પણ મુશ્કેલી થઈ રહી છે. શહેરમાં ઈન્ટરનેટની સ્પીડ સારી છે પરંતુ શહેરથી દૂર જતા જ ઈન્ટરનેટની સ્પીડ પણ ઘટી જાય છે. નેટવર્કમાં આવવા માટે તમારે ઊંચી જગ્યા પર જવું પડે છે. એવામાં ઘરના ટેરેસ, ટાંકી, ઝાડ કે પહાડની ટોચ પર જવું પડે છે.
8 થી 2 વાગ્યા સુધી પહાડ પર બેસે છે
રાજસ્થાનના દરુડા ગામમાં ભીલ સમુદાયનું ગામ છે. જ્યાં હરીશ નામનો એક વિદ્યાર્થી ઓનલાઈન ક્લાસ માટે રોજ પહાડની ટોચ પર જાય છે. તે જવાહર નવોદય વિદ્યાલયનો વિદ્યાર્થી છે. તેણે પહાડની ટોચ પર એક ટેબલની ખુરશી મૂકી દીધી છે. હરીશના પિતાએ કહ્યું કે હરીશ છેલ્લા દોઢ મહિનાથી રોજ સવારે 8 વાગ્યે પહાડ પર ચઢી જાય છે અને ક્લાસ પૂર્ણ થયા બાદ 2 વાગ્યે ઘરે પરત ફરે છે.
અન્ય ઘણા વિદ્યાર્થીઓની પણ આવી જ સ્થિતિ
આવી જ સ્થિતિ છે બનાસકાંઠના અમીરગઢઅને દાંતા તાલુકામાં રહેલા વિદ્યાર્થીઓની. કેમ કે અહીના બાળકો કે તેમના વાલીઓ પાસે લેપટોપ કે ડેસ્કટોપની સુવિધા નથી. ઘણા વિદ્યાર્થીઓ પાસે તો સ્માર્ટફોન પણ નથી.