મેરિટ લિસ્ટમાં સની લિયોની ટોપ પર આવી, કોલેજવાળા માથું ખંજવાળતા રહી ગયા

કોલકાતાઃ શિક્ષણ ક્ષેત્રમાં ગોટાળો થવાની વાત કોઈ જ નવી નથી. આવો જ એક ગોટાળો કોલકાતાની એક કોલેજમાં સ્નાતક અભ્યાસક્રમમાં સામે આવ્યો હતો. સ્નાતક પરીક્ષામાં પ્રવેશ માટે જાહેર લિસ્ટમાં મોટો છબરડો સામે આવ્યો હતો. આ લિસ્ટમાં બોલિવૂડ એક્ટ્રેસ સની લિયોનીનું નામ પણ ટોપમાં આવ્યું છે. કોલકાતાના આશુતોષ કોલેજમાં અંગ્રેજી BA અભ્યાસક્રમમાં પ્રવેશ માટે જાહેર થયેલા પહેલા લિસ્ટમાં સની લિયોનીનું નામ સૌથી પહેલા હતું.

એડમિશન પ્રક્રિયાની લિસ્ટમાં ટોપ પર સની
કોલકાતામાં એક કોલેજમાં ઓનલાઈન એડમિશન પ્રક્રિયા પર તે સમયે બબાલ થઈ જ્યારે બીએમાં પ્રવેશ માટે જાહેર થયેલા પહેલા મેરિટ લિસ્ટમાં સૌથી ઉપરના ક્રમાંકે બોલિવૂડ એક્ટ્રેસ સની લિયોનીનું નામ આપવામાં આવ્યું હતું. આ બધું જ આશુતોષ કોલેજમાં BAના અભ્યાસક્રમમાં પ્રવેશ સમયે જાહેર કરવામાં આવેલા લિસ્ટમાં ગોટાળો થયો હતો. જે વેબસાઈટ પર પણ હતું.

બારમાં ધોરણની પરીક્ષામાં પૂરા માર્ક્સ લાવી સની!
આ કોલેજમાં પ્રવેશપ્રક્રિયા માટેનું મેરિટ લિસ્ટ વેબસાઈટ પર શૅર કરવામાં આવ્યું હતું. શૅર કરવામાં આવેલા આ મેરિટ લિસ્ટમાં નામ સાથે જ એપ્લિકેશન આઈડી અને રોલનંબર પણ હતાં. જે લિસ્ટમાં સનીને ધોરણ બારની પરીક્ષામાં દરેક ચાર વિષયમાં 400 અથવા તો પૂરેપૂરા માર્ક્સ આપવામાં આવ્યાં છે.

ઓનલાઈન પ્રવેશ પ્રક્રિયા પર ઉઠ્યા સવાલ
આ વિશે કોલેજના એક સંચાલકનું કહેવું છે કે, આ કોઈએ ટીખળ કરી છે. તેમણે કહ્યું કે,'આ કોઈની ટીખળનું કામ છે. કારણકે કોઈએ જાણીજોઈને લિયોનીના નામને ટાઈપ કરીને ખોટી અરજી મૂકી હતી. અમે સંબંધિત વિભાગને આ કામ યોગ્ય કરવાનું કહ્યું છે. અમે આ ઘટનાની પણ તપાસ કરશું.' આશુતોષ કોલેજમાં બનેલી આ ઘટનાથી ઓનલાઈન પ્રવેશ પ્રક્રિયા પર પણ સવાલ ઉઠવા લાગ્યા છે.