દેશભરમાં ઓક્સિજનની વહેંચણી પર નજર રાખવા સુપ્રીમે બનાવી નેશનલ ટાસ્ક ફોર્સ

નવી દિલ્હીઃ સુપ્રીમ કોર્ટે એક નેશનલ ટાસ્ક ફોર્સની રચના કરી છે જે દેશમાં ઓક્સિજનની ઉપલબ્ધતા અને સપ્લાય પર ધ્યાન આપશે અને ભલામણ કરશે. ટાસ્ક ફોર્સમાં 12 સભ્યો હશે.

સુપ્રીમ કોર્ટે કહ્યું છે કે ટાસ્ક ફોર્સ વર્તમાનમા તથા ભવિષ્ય માટે પારદર્શક અને પ્રોફેશનલ આધાર પર રોગચાળાના પડકારનો સામનો કરવા માટે ઈનપુટ અને રણનીતિ આપશે. ટાસ્ક ફોર્સ વૈજ્ઞાનિક, તર્કસંગત અને ન્યાયસંગત આધારે રાજ્યોને ઓક્સિજન માટેની કાર્યપ્રણાલી તૈયાર કરશે.
કોવિડ ફેસિલિટીમાં દાખલ થવા પોઝિટિવ રિપોર્ટની જરૂર નથી, સરકારે બદલી નીતિઆ નેશનલ ટાસ્ક ફોર્સમાં 12 સભ્યો છે. ટાસ્ક ફોર્સના સંયોજક જે પણ સભ્ય હશે તે કેન્દ્ર સરકારનો કેબિનેટ સચિવ હશે. કેબિનેટ સચિવ પોતાના ઉપરાંત વધારાના સચિવ પદથી નીચેના અધિકારીની નિમણૂક કરી શકે નહીં.
DRDO દ્વારા વિકસાવવામાં આવેલી કોરોનાની દવાને ઈમર્જન્સી ઉપયોગ માટે મંજૂરીસુપ્રીમ કોર્ટ જણાવ્યું છે કે, ટાસ્ક ફોર્સ એક સપ્તાહની અંદર કામ કરવાનું શરૂ કરશે. સરકાર અને સુપ્રીમ કોર્ટને પોતાનો રિપોર્ટ આપશે. તે સરકારને પોતાની ભલામણો રજૂ કરશે. નેશનલ ટાસ્ક ફોર્સનો કાર્યકાળ શરૂઆતમાં છ મહિનાનો હશે. કેન્દ્ર સરકાર ટાસ્ક ફોર્સને જરૂરી તમામ મદદ પૂરી પાડશે. રાજ્યો અને હોસ્પિટલો પણ ટાસ્ક ફોર્સને સહયોગ આપશે.