પદ્મ એવોર્ડ માટે શરદ પવારના પગે પડવા પણ તૈયાર છું: સુરેશ વાડેકર

પુના: જાણીતા પ્લેબેક સિંગર સુરેશ વાડેકરના આ સ્ટેટમેન્ટથી પદ્મ એવોર્ડસ માટે કરાતા લોબિંગ અને ભલામણો તરફ ફરી એકવખત સૌનું ધ્યાન ખેંચાયું છે. પુનાની સંસ્થા ‘શરદ ક્રીડા અને સાંસ્કૃતિક પ્રતિષ્ઠાન’ તરફથી આયોજિત એક કાર્યક્રમમાં સુરેશ વાડેકરે કહ્યું કે, પદ્મ પુરસ્કારો માટે હું શરદ પવારના પગે પડવા તૈયાર છું.

તેમણે કહ્યું કે, ‘મરાઠી ફિલ્મોના ગીતકાર અરૂણ દાતેને મહારાષ્ટ્રમાં ઘણા સન્માન મળ્યા, પરંતુ રાષ્ટ્રીય સ્તર પર કોઈએ તેમને મહત્વ ન આપ્યું. તેમનાથી જૂનિયર લોકોને પદ્મ શ્રી, પદ્મ ભૂષણ જેવા સન્માન પણ મળી ગયા. શરદ પવાર ઈચ્છે તો આ સન્માન ઘણી સરળતાથી મળી શકે છે. હવે મારી પણ ઉંમર થવા લાગી છે. ત્યારે હું પદ્મ સન્માનની અપેક્ષા રાખું છું અને તેના માટે શરદ પવારને પ્રાર્થના કરું છું.’

‘શરદ ક્રીડા અને સાંસ્કૃતિક પ્રતિષ્ઠાન’ તરફથી આયોજિત આ કાર્યક્રમમાં શરદ પવારના હસ્તે રવિવારે મરાઠી ફિલ્મોના જાણીતા ગીતકાર અરૂણ દાતેને રામકદમ કલા ગૌરવ સન્માન આપવામાં આવ્યું. આ કાર્યક્રમમાં બોલતા સુરેશ વાડેકરે પવારની હાજરીમાં આ વાત કહી.

આ સમાચારને મરાઠીમાં વાંચો: पद्म पुरस्कारासाठी ‘घालीन लोटांगण’