હૈદરાબાદઃ તેલંગણામાં એક અજબ ઘટના બની છે. મુખ્યમંત્રી ચંદ્રશેખર રાવે રાજ્યના પરંપરાગત તહેવાર ‘બટુકમ્મા’ નિમિત્તે ગરીબ મહિલાઓને ભેટ આપેલી સાડીઓની મહિલાઓએ હોળી કરી છે. તેની પાછળનું કારણ એવું છે કે અધિકારીઓએ પસંદ કરેલી 500 જેટલી ડિઝાઇનની સાડીઓ મહિલાઓને પસંદ પડી નહોતી.
રાજ્યમાં 8000 કેન્દ્રો પર સાડી લેવા લાગી હતી મોટી લાઈન
મહિલાઓએ કહ્યું કે, મુખ્યમંત્રીએ આપેલી ભેટની સાડીઓ ‘પોતું મારવા માટે પણ લાયક નથી’ આ સાડીઓ મોટાભાગની મહિલાઓને પસંદ આવી નથી. રાજ્યમાં બટુકમ્મા તહેવાર નિમિત્તે 8000 જેટલા ખાસ કેન્દ્રો ખોલીને એક કરોડ સાડીઓ ગરીબ મહિલાઓને આપવામાં આવી છે. જેના કારણે સરકારી તિજોરી પર રૂપિયા 222 કરોડનો બોજો આવ્યો છે.
જ્યારે કેટલીક જગ્યાએ સાડી માટે રીતસરની પડાપડી થઈ હતી
પરંતુ હવે સાડીની ક્વોલિટી બાબતે મહિલાઓનો ગુસ્સો સાતમા આસમાને પહોંચી ગયો છે. આમ તો મહિલા દુકાનોમાં સાડી ખરીદતી વખતે ઢગલો સાડી જોયા પછી પણ એકેય સાડી પસંદ ન કરે એવું ઘણીવાર બનતું હોય છે પરંતુ રાજ્ય સરકાર તરફથી ભેટ અપાતી સાડીઓમાં પણ પસંદગીના ધોરણે સાડીઓ નાપાસ થતી હોય તેવું પહેલીવાર બન્યું છે. જોકે, ક્યાંક સાડીઓ મેળવવા માટે મહિલાઓ એકબીજાના વાળ ખેંચતી પણ જોવા મળી હતી.
સરકાર મહિલાઓનો પ્રતિભાવ જોઈ ચોંકી ગઈ
તેલંગણાની રાજ્ય સરકાર આવા પ્રતિસાદથી ચોંકી ગઈ છે. કેમકે, અધિકારીઓએ ગિફ્ટ માટે કુલ 5૦૦ ડિઝાઈન્સની સાડીઓ પસંદ કરી હતી. પરંતુ તેમ છતા મહિલાઓ નારાજ થઈ ત્યારે શું કરવું તેની વિમાસણમાં સૌ કોઈ પડી ગયા છે.
222 કરોડના ખર્ચે 500 જેટલી ડિઝાઇનર સાડી ખરીદવામાં આવી હતી
રાજ્ય સરકારે સાડી આપવાના નિર્ણ કર્યા બાદ ટૂંકી નોટિસમાં જ લગભગ મોટાભાગની સાડીઓ ગુજરાતના સુરતથી મંગાવવવામાં આવી હતી અને થોડી સાડીઓ તેલંગણાના પાવરલૂમ્સની હતી. આ યોજના કદાચ તામિલનાડુમાં જયલલિતાની ‘અમ્મા’ સાડી પરથી પ્રેરીત હતી. પરંતુ તેલંગણામાં સમગ્ર ખેલ ઊંધો પડી ગયો હતો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.