નાસિકમાં તાપમાન 1.8 ડિગ્રી, દ્રાક્ષનો પાક બચાવવા ખેડૂતોએ ખેતરમાં કર્યા તાપણાં

I am Gujarat

ખેતરમાં તાપણાં કરી પાક બચાવતા ખેડૂતો

નાસિકઃ ઉત્તર મહારાષ્ટ્રનું યાત્રાધામ અને દેશમાં કુંભમેળાના ચાર શહેરો પૈકીનું એક નાસિક ઠંડીમાં ઠુઠવાઈ ગયું છે. નાસિક જિલ્લાના ઘણા ભાગમાં તાપમાનનો પારો 1.8થી નીચે પહોંચી ગયો હતો. જ્યારે નાસિકના શહેરી વિસ્તારમાં પણ તાપામાન 5.7 ડિગ્રીથી નીચે પહોંચી ગયું હતું. અમારા ન્યૂઝ Whatsapp પર મેળવવા અહીં ક્લિક કરો

ઠંડીના કારણે દ્રાક્ષના પાકને નુકસાન

દેશના વાઈન કેપિટલ નાસિકની દ્રાક્ષ દેશ-વિદેશમાં વખણાય છે. પરંતુ હાલ પડી રહેલી હાડ કંપાવતી ઠંડીના કારણે દ્રાક્ષના પાકને નુકસાન જવાની ભીતિ છે. ગુરુવારે નાસિકનો નિફાડ તાલુકો સમગ્ર મહારાષ્ટ્રમાં સૌથી ઠંડો વિસ્તાર બન્યો હતો. છેલ્લા 4 દિવસથી શરુ થયેલા કોલ્ડવેવના કારણે અનેક ઠેકાણે દ્રાક્ષના ખેતરમાં ખેડૂતો તાપણાં કરીને દ્રાક્ષના પાકને બચાવવાનો પ્રયાસ કરતા જોવા મળી રહ્યા હતા.

શેરડીના ખેતરોમાં ઝાંકળના બિંદુઓ જામીને બરફ બન્યા

કેટલાખ ખેતરમાં ખેડૂતો ગ્રીન હાઉસ અને શેડ લગાવીને દ્રાક્ષના વેલા તેમજ પાકને બચાવવા પ્રયાસ કરતા જોવા મળ્યા હતા. તો કેટલાક નાના ખેડૂતો ઘરની જુની સાડીથી લઈને તમામ જૂના કપડા વડે વેલાઓ પર પાથરીને ઠંડી તેમજ ધુમ્મસથી દ્રાક્ષમાં પાણી ન ચઢી જાય તે માટે પ્રાયસ કરતા જોવા મળ્યા હતા. તો નાસિકમાંથી નીકળતી ગોદાવરીના કાંઠે ગ્રામ્ય વિસ્તારમાં આવેલ શેરડીના ખેતરોમાં શેરડીના ટોચના ભાગે ઝાંકળના બિંદુઓ જામીને બરફ બની ગયેલા પણ જોવા મળ્યા હતા.