24 કલાકમાં વેબસાઈટ પર FIR નાખો: સૂપ્રીમ કોર્ટ

નવી દિલ્હી: સૂપ્રીમ કોર્ટે બુધવારે રાજ્યો અને કેન્દ્ર શાસિત પ્રદેશોની સરકારોને આદેશ કર્યો છે કે 24 કલાકની અંદર પોતાની વેબસાઈટ પર FIR અપલોડ કરવી. દુર્ગમ વિસ્તારો માટે 72 કલાકનો સમય આપવામાં આવ્યો છે.

યૂથ ફોર અસોસિએશન ઓફ ઈન્ડિયા તરફથી આ વિષય પર એક અરજી દાખલ કરવામાં આવી હતી, જેના પર કોર્ટે આ આદેશ આપ્યો છે. સૂપ્રીમ કોર્ટે મહિલાઓ અને બાળકોનાં ઉત્પીડન, લુંટ જેવા સંવેદનશીલ કેસમાં વેબસાઈટ પર એફઆઈઆર અપલોડ કરવામાં છૂટ આપી છે. સૂપ્રીમ કોર્ટે કહ્યું કે જે રાજ્યોમાં ઈન્ટરનેટની સમસ્યા હોય છે, ત્યાં આ ટાઈમ લિમીટ 72 કલાકની રાખવામાં આવી છે.

ઉલ્લેખનીય છે કે અલાહાબાદ હાઈ કોર્ટે 2015માં ઉત્તર પ્રદેશ પોલીસને પોતાની વેબસાઈટ પર FIR કોપી નાખવાનો આદેશ કર્યો હતો. દિલ્હી હાઈ કોર્ટે આવો આદેશ 2010માં કર્યો હતો. હવે સૂપ્રીમ કોર્ટે આ નિયમ આખા દેશમાં લાગુ કર્યો છે.