ગુરુવારે જમ્મુ-કાશ્મીરમાં ફરી એક વખત હિમવર્ષા થતા ચોમેર બરફ પથરાઈ ગયો છે. કાશ્મીરના ઘાટીના વિસ્તાર અને લેહ-લદ્દાખમાં છેલ્લા બે દિવસથી શિત લહેર યથાવત રહી છે. શિયાળાની સિઝન દરમિયાન આ વખતે ગુલમર્ગનું ચિત્ર પલટાયું હતું. ભારે હિમવર્ષાને કારણ અહીં સર્વત્ર બરફ જામી ગયો હતો. સમુદ્ર સપાટીથી આશરે 600મી.ની ઊંચાઈએ આવેલા ગુલમર્ગમાં હાલમાં હિમવર્ષાથી કાયા પલટાઈ ગઈ છે. આ તસવીર પરથી કાશ્મીરમાં પડી રહેલી ઠંડીનું અનુમાન લગાવી શકાય છે. જોઈએ કાશ્મીરના વિસ્તારોની કેટલીક અન્ય તસ્વીરો. અમારા ન્યૂઝ WhatsApp પર મેળવવા માટે અહીં ક્લિક કરો
અનેક પ્રવાસીઓ આવે છે હિમવર્ષા માણવા
કાશ્મીરના ગુલમર્ગ અને તેની આસપાસના વિસ્તારોમાં આ વખતે ભરપૂર હિમવર્ષા થઈ હોવાને કારણે અહીં અનેક પ્રવાસીઓ બરફની મજા માણવા માટે આવી રહ્યા છે. દોઢ ફૂટથી વધારે મીટરનો બરફ જામી ગયો હતો. આ કારણે બાળકોથી લઈને યુવાનો સુધીના લોકોએ અહીં બરફમાં સ્કિ કરવાની મજા માણી છે. જોકે, દર વર્ષે હિમવર્ષા થવાને કારણે કાશ્મીર અનેક પ્રવાસીઓને આકર્ષી રહ્યું છે. આમ તે ધીમે ધીમે skiing destination બનવા જઈ રહ્યું છે.
સ્લેજની મજા
કાશ્મીરમાં બરફના પહાડની આસપાસના વિસ્તારોમાં સ્લેજ રાઈડિંગની મજા માણી શકાય છે. હવામાન ખાતના જણાવ્યા અનુસાર ગુરુવારથી આગામી 24 કલાકમાં અહીં હજુ શિતલહેર યથાવત રહી શકે છે. આ ઉપરાંત પવનની ગતિમાં પણ વધારે થવાની સંભાવનાઓ છે. આ તસવીરમાં એ યુગલ સ્લેજની મજા માણી રહ્યું છે. જોકે, હિમવર્ષાને કારણે અહીં સુરક્ષાના કેટલાક પગલાઓ પણ લેવામાં આવી રહ્યા છે.
બરફ દૂર કરવા પ્રયાસો
કાશ્મીરમાં બરફવર્ષાને કારણે અનેક હોટેલના છત પર બરફ જામી ગયો હતો. જેના કારણે હોટેલકર્મીઓએ સાફસફાઈ કરવા માટે કમર કસવી પડી હતી. શ્રીનગરમાં ગુરુવારે તાપમાનનો પારો 0.3 ડીગ્રીએ થીજી જતા જનજીવનને માઠી અસર પહોંચી હતી. દિવસભર ઠંડી હોવાને કારણે લોકોએ ઘરમાં ફરજિયાત રહેવું પડ્યું હતું. આ ઉપરાંત બરફવર્ષાને કારણે કેટલાક નેશનલ હાઈવેને પણ અસર પહોંચી છે.
પરિવહનને માઠી અસર
હિમવર્ષાને કારણે રસ્તાઓ પર બરફ જામી જતા વાહનવ્યવહાર અટકી પડ્યો હતો. કેટલાક રસ્તાઓ બંધ કરી દેવામાં આવતા વાહન ચાલકોએ રસ્તા પર રાત પસાર કરવી પડી હતી. શ્રીનગર અને ગુલમર્ગના આસપાસના વિસ્તારોમાં ભારે હિમવર્ષાએ હાલાકી ઊભી કરી હતી. જોકે, એક દિવસમાં ફરી હવામાન ચોખ્ખુ થાય એવા એંધાણ છે. આ ઉપરાંત, બુધવારે કેદારનાથ યાત્રાધામમાં પણ ભારે હિમવર્ષાને કારણે ચોમેર બરફ પથરાઈ ગયો હતો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.