ચોર એક મહિનામાં 50 ફૂટ ઊંચો અને 10 ટન વજનનો વિશાળ મોબાઈલ ટાવર ચોરી ગયા!!

બેંગ્લુરુઃ ઓછામાં ઓછા 50 ફૂટ ઊંચો અને 10 ટન વજન ધરાવતા એક વિશાળ મોબાઈલ ટાવર (Mobile tower), તેનું ડિઝલ જનરેટર (Diesel generator) તથા બેટરી બેંકની ચોરી થયાની બેંગ્લુરુમાંથી ઘટના સર્જાઈ છે. આ અંગે કર્ણાટક (Karnataka) માં મહાદેવપુરામાં પોલીસ ફરિયાદ નોંધાઈ છે.

1લી ઓગસ્ટથી 1લી સપ્ટેમ્બર,2022 દરમિયાન આશરે એક મહિના સુધી ટાવર તથા તેની એસેસરીઝની ચોરી કરનારા ચોરોને હવે પોલીસ શોધી રહી છે. આ ટાવરની ચોક્કસ ઊંચાઈ તેમ જ વજન અંગે ચોક્કસ માહિતી મેળવવામાં આવી રહી છે. અલબત આ ટાવર ઓછામાં ઓછો 50 ફૂટ ઊંચો અને 10 ટન વજનનો હતો. અલબત આ ટાવરની ઊંચાઈ 200 ફૂટ સુધી પણ હોઈ શકે છે.

પ્રાઈવેટ કંપની (Private company) કે જે વિવિધ મોબાઈલ ફોન સર્વિસ માટે ઈન્સ્ટોલેશન કરતી હતી તેણે પોલીસ સમક્ષ ફરિયાદ (Complaint) નોંધાવી છે. કંપનીએ પોલીસ સમક્ષ રજૂઆત કરી છે કે આશરે રૂપિયા 17 લાખની કિંમતની એસેસરીઝ, તથા ઈન્સ્ટોલેશન (Accessories and Installation)ની ચોરી કરનારને પકડવામાં આવે. કંપનીએ કોર્ટ સમક્ષ આ અંગે રજૂઆત કરી હતી. કોર્ટ તરફથી મળેલા આદેશને ધ્યાનમાં રાખીને અપરિચિત વ્યક્તિઓ સામે 1લી જાન્યુઆરીના રોજ IPCની કલમ 379 (ચોરી) અંતર્ગત કેસ દાખલ કર્યો હતો.

કંપનીના નિવેદન પ્રમાણે ટાવરને વર્ષ 2009માં ઈન્સ્ટોલ કરવામાં આવ્યો હતો. જે ટેકનિસિયનને આ માટેની જવાબદારી આપવામાં આવી હતી તે વ્યક્તિએ ઓગસ્ટ,2022માં નોકરી છોડી દીધી હતી. અને સપ્ટેમ્બર,2022થી અન્ય એક ટેકનિસિયનની નિમણૂંક કરવામાં આવી હતી અને તેમના દ્વારા મુલાકાત લીધી હતી, અને આ સંજોગોમાં ટાવર ગૂમ થઈ ગયો હોવાનું માલુમ પડ્યું હતું. જ્યારે સ્થાનિક લોકોને પૂછવામાં આવતા જણાવ્યું હતુ કે કેટલાક લોકો આ ટાવરને તોડી રહ્યા હતા.

ટાવર બંધ હતો
ટેકનિસિયને નોકરી છોડી દીધી ત્યારબાદ ટાવર બંધ સ્થિતિમાં હતો. પોલીસ અધિકારી એસ ગીરીષ જણાવ્યું હતું કે અમે આ અંગે તપાસ કરી રહ્યા છીએ. અમારા અનેક પ્રશ્નોના હજુ સુધી કોઈ જવાબ મળ્યા નથી. જોકે, અમે સમગ્ર પ્રકરણને લઈ તપાસ કરશું અને હકીકતને પ્રકાશમાં લાવશું.