ફિલ્મી સ્ટાઈલમાં ચોરી, કારના ટાયર કાઢીને ઈંટો મૂકી ફરાર થયા ચોર

નવી દિલ્હીઃ રાજધાની દિલ્હીમાં ચોરોનો આતંક યથાવત છે. ગઈકાલે રાત્રે ચોરોએ શહેરના મધ્યમાં આવેલા કાલકાજી વિસ્તારમાં પાર્ક કરેલી કારના ચાર પૈડા કાઢ્યા અને કારને ઇંટો પર પાર્ક કરીને ફરાર થઈ ગયા. હાલમાં પોલીસ ચારેબાજુ લગાવેલા સીસીટીવી કેમેરા દ્વારા ચોરોની શોધખોળ હાથ ધરી છે.

દક્ષિણ પૂર્વ દિલ્હીના કાલકાજી વિસ્તારમાં ચોરોની જે મોડસ ઓપરેન્ટી સામે આવી છે તે તમને આશ્ચર્યચકિત કરી દેશે. કાલકાજીના એમ.બ્લોક માર્કેટમાં ચોર પાર્ક કરેલી કારની આજુબાજુના ટાયર ખોલીને ઇંટો ઉપર કાર ઊભી કરી દીધી હતી. સમગ્ર વિસ્તારમાં ચોરીની આ ઘટનાની ચર્ચા થઈ રહી છે. કાલકાજીના રહેવાસી કમલજીતે એમ બ્લોક માર્કેટમાં રોજની જેમ પોતાની કાર પાર્ક કરી હતી, પરંતુ સવારે ઉઠીને જ્યારે તેમણે પોતાની કાર જોઈ અને જે સ્થિતિ હતી તે જોઈને તેઓ ચોંકી ગયા.

ચોરો દ્વારા કારને ઇંટોના સહારે ઊભી રાખી હતી અને વાહનના ચારેય ટાયર ગુમ થયા હતા. આ ચોરી બાદ કાર માલિકે પોલીસમાં ફરિયાદ કરી હતી. આ ઘટના આસપાસના લોકોએ કહ્યું કે આ પહેલી ઘટના નથી. આ પહેલા પણ ચોરો નવી નવી રીતે ચોરી કરતા રહે છે. હાલમાં પોલીસે નજીકમાં લગાવેલા સીસીટીવી કેમેરા દ્વારા ચોરને પકડવા માટે ચક્રોગતિમાન કર્યા છે.

આ પ્રકારની ચોરીની ઘટના ઘણી ફિલ્મોમાં પણ જોવા મળી છે. જેના કારણે આ ઘટના સોશિયલ મીડિયા અને ઈન્ટરનેટ પર ચર્ચાનો વિષય બની છે.