કમલેશ મર્ડર કેસના મુખ્ય આરોપીઓ આ રીતે ગુજરાત એટીએસની જાળમાં ફસાયા

લખનૌ: લખનૌમાં આવેલા નાકા હિંડોલાના ખુર્શીદ બાગમાં શુક્રવારે હિંદુ સમાજ પાર્ટીના અધ્યક્ષ અને અખિલ ભારત હિંદુ મહાસભાના પૂર્વ નેતા રહેલા કમલેશ તિવારીની હત્યા કરી દેવાઈ હતી. આ ઘટના બાદ ઉત્તર પ્રદેશ પોલીસે અન્ય રાજ્યોની પોલીસ સાથે સંપર્ક કરાયો, તે પછી મંગળવારે હત્યાના બંને આરોપી અશફાક અને મોઈનુદ્દીનની ધરપકડ કરી લેવાઈ. હકીકતમાં, કમલેશની હત્યા કરી ફરાર થઈ ગયેલા આરોપીઓની પાસે રૂપિયા ખૂટવાનું શરૂ થઈ ગયું હતું, જેના કારણે તે પોલીસના સકંજામાં ફસાઈ ગયા. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial ગુજરાત એટીએસ મુજબ, હત્યાના આરોપી અશફાક અને મોઈનુદ્દીન પોતાની સાથે જેટલા રૂપિયા લઈ ગયા હતા, તે ધીરે-ધીરે પૂરા થઈ ચૂક્યા હતા. બીજી તરફ, ઉત્તર પ્રદેશ પોલીસ પાસેથી ઈનપુટ્સ મળ્યા બાદ એટીએસ ગુજરાતના નિર્દેશ પર ટેકનિકલ સર્વેલન્સ ટીમ અને કેટલાક પોલીસકર્મી પણ આ બંને આરોપીઓની નજીકના અને પરિવારજનો પર નજર રાખી રહ્યા હતા. સર્વેલન્સ દ્વારા ચોક્કસ જાણકારી મળતા જ ગુજરાત એટીએસની ટીમે શામળાજી નજીક ગુજરાત-રાજસ્થાન બોર્ડર પાસેથી અશફાક અને મોઈનુદ્દીનને ઝડપી લીધા. સરેન્ડર માટે વકીલને કર્યો હતો ફોન! આ પહેલા લખનૌના ઠાકુરગંજમાં રહેતા એક વકીલને સોમવારે સવારે લગભગ 8.30 કલાકે કોલ આવ્યો. સૂત્રો મુજબ ફોન કરનારાઓએ પોતાનો પરિચય કમલેશ હત્યાકાંડના આરોપી શેખ અશફાક હુસૈન અને મોઈનુદ્દીન તરીકે આપતા કોર્ટમાં સરેન્ડર કરવાની વાત કરી હતી. વકીલે થોડો સમય માગ્યો હતો. આરોપીઓએ વકીલનો સંપર્ક કર્યાની જાણકારી મળતા જ પોલીસ એલર્ટ થઈ ગઈ હતી. લખીમપુર ખીરીથી આવ્યો હતો ફોન સર્વેલન્સ સેલની તપાસમાં કોલ લખીમપુર ખીરીના પલિયા વિસ્તારમાંથી આવ્યાની પુષ્ટી થઈ. નંબર એક ટેક્સી ચાલકનો હોવાનું જણાવાઈ રહ્યું છે. પોલીસ મુજબ, ટેક્સી ચાલકને પણ શોધી લેવાયો છે. જોકે, તેનો ફોન બંધ હોવાના કારણે ટીમ તેને શોધવા પલિયા રવાના કરી દેવાઈ છે. બીજી તરફ, હત્યાના આરોપીઓ સરેન્ડર કરવાના હોવાની જાણ થતા જ પોલીસ અને એલઆઈયુની ટીમો સોમવારે કોર્ટ પરિસરની આસપાસ ફરતી રહી. સવારથી મોડી સાંજ સુધી ટીમોએ નજર રાખી હતી.