લખનઉ- ઉત્તર પ્રદેશના લખનઉ શહેરમાં તાવનો કહેર વધી રહ્યો છે. મેડિકલ સ્ટોર્સ પર દવાઓના વેચાણમાં થયેલો વધારો આ વાતનો પુરાવો છે. પેરાસિટામોલના વેચાણમાં ત્રણ ગણો વધારો નોંધાયો છે. આ સિવાય તાવ માટે આપવામાં આવતી બીજી દવાઓના વેચાણમાં પણ વધારો જોવા મળ્યો છે. ડોક્ટરની સલાહ સિવાય ડાઈરેક્ટ મેડિકલ સ્ટોરથી દવા ખરીદનારા લોકોની સંખ્યામાં પણ બમણો વધારો જોવા મળ્યોછે.
વર્તમાન સમયમાં લોકોને પાંચથી સાત દિવસ સુધી તાવ રહે છે. તબીબો 60 ટકાથી વધારે દર્દીઓને એન્ટીબાયોટિક લખી આપે છે. આ કારણે એઝિથ્રોમાઈસીન સહિત અનેક એન્ટીબાયોટિક દવાઓનું વેચાણ બમણું થઈ ગયું છે. કેજીએમયૂના ડોક્ટર ઉસ્માન જણાવે છે કે, ડોક્ટરની સલાહ વિના એન્ટીબાયોટિક ના લેવી જોઈએ. તાવ અનેક પ્રકારના હોય છે. માત્ર બેક્ટેરિયલ ઈન્ફેક્શનમાં જ એન્ટિબાયોટિક કારગર સાબિત થાય છે, જ્યારે વાયરલ ઈન્ફેક્શનમાં તેની કોઈ અસર નથી થતી. આવા કેસમાં ડોક્ટર પણ પહેલા પેરાસિટામોલ લખે છે, પછી લક્ષણો અને તપાસના આધારે એન્ટિબાયોટિક આપવી કે નહીં તે નક્કી કરે છે. દર્દી જો એન્ટીબાયોટિક દવા લેશે તો ફાયદાના બદલે નુકસાન થઈ શકે છે.
ઉલ્લેખનીય છે કે ઉત્તર પ્રદેશમાં ડેન્ગ્યુ અને વાયરલ તાવનો પ્રકોપ સતત વધી રહ્યો છે. હજારો લોકો આ તાવથી પીડિત છે. સૌથી વધારે પ્રભાવિત ફિરોઝાબાદમાં પાછલા બે દિવસમાં 15 દર્દીઓનાં મોત થયા છે. રવિવારના રોજ મેરઠમાં 13, લખનઉમાં 5 અને લખીમપુર ખીરીમાં ડેન્ગ્યુના 4 નવા કેસ સામે આવ્યા છે. ફિરોઝાબાદની મેડિકલ કોલેજમાં રવિવારના રોજ 118 નવા દર્દીઓને દાખલ કરવામાં આવ્યા, જ્યારે 97ને રજા આપવામાં આવી. ડેન્ગ્યુ વોર્ડમાં 408 દર્દીને દાખલ કરવામાં આવ્યા છે. ગ્રામ્ય વિસ્તારોમાં હજારો દર્દીઓ સારવાર ન મળી શકવાને કારણે પરેશાનીનો સામનો કરી રહ્યા છે. અનેક ગામડાઓમાં સરકારી સ્વાસ્થ્ય કેન્દ્રો બંધ હોવાની ફરિયાદો મળી રહી છે. મેરઠમાં સ્વાસ્થ્ય વિભાગની ટીમ ઘરે ઘરે જઈને સર્વે કરી રહી છે.
વર્તમાન સમયમાં લોકોને પાંચથી સાત દિવસ સુધી તાવ રહે છે. તબીબો 60 ટકાથી વધારે દર્દીઓને એન્ટીબાયોટિક લખી આપે છે. આ કારણે એઝિથ્રોમાઈસીન સહિત અનેક એન્ટીબાયોટિક દવાઓનું વેચાણ બમણું થઈ ગયું છે. કેજીએમયૂના ડોક્ટર ઉસ્માન જણાવે છે કે, ડોક્ટરની સલાહ વિના એન્ટીબાયોટિક ના લેવી જોઈએ. તાવ અનેક પ્રકારના હોય છે. માત્ર બેક્ટેરિયલ ઈન્ફેક્શનમાં જ એન્ટિબાયોટિક કારગર સાબિત થાય છે, જ્યારે વાયરલ ઈન્ફેક્શનમાં તેની કોઈ અસર નથી થતી. આવા કેસમાં ડોક્ટર પણ પહેલા પેરાસિટામોલ લખે છે, પછી લક્ષણો અને તપાસના આધારે એન્ટિબાયોટિક આપવી કે નહીં તે નક્કી કરે છે. દર્દી જો એન્ટીબાયોટિક દવા લેશે તો ફાયદાના બદલે નુકસાન થઈ શકે છે.
ઉલ્લેખનીય છે કે ઉત્તર પ્રદેશમાં ડેન્ગ્યુ અને વાયરલ તાવનો પ્રકોપ સતત વધી રહ્યો છે. હજારો લોકો આ તાવથી પીડિત છે. સૌથી વધારે પ્રભાવિત ફિરોઝાબાદમાં પાછલા બે દિવસમાં 15 દર્દીઓનાં મોત થયા છે. રવિવારના રોજ મેરઠમાં 13, લખનઉમાં 5 અને લખીમપુર ખીરીમાં ડેન્ગ્યુના 4 નવા કેસ સામે આવ્યા છે. ફિરોઝાબાદની મેડિકલ કોલેજમાં રવિવારના રોજ 118 નવા દર્દીઓને દાખલ કરવામાં આવ્યા, જ્યારે 97ને રજા આપવામાં આવી. ડેન્ગ્યુ વોર્ડમાં 408 દર્દીને દાખલ કરવામાં આવ્યા છે. ગ્રામ્ય વિસ્તારોમાં હજારો દર્દીઓ સારવાર ન મળી શકવાને કારણે પરેશાનીનો સામનો કરી રહ્યા છે. અનેક ગામડાઓમાં સરકારી સ્વાસ્થ્ય કેન્દ્રો બંધ હોવાની ફરિયાદો મળી રહી છે. મેરઠમાં સ્વાસ્થ્ય વિભાગની ટીમ ઘરે ઘરે જઈને સર્વે કરી રહી છે.