અનિલ અંબાણીના ઘરે પધાર્યા વિઘ્નહર્તા ગણેશ, પત્ની ટીના અંબાણીએ કરી ખાસ પ્રાર્થના

અનિલ અંબાણીના પત્ની ટીના અંબાણીના ઘરે ગણપતિની સ્થાપના કરવામાં આવી છે. ટીના અંબાણીએ ટ્વિટર પર તસવીર અપલોડ કરી છે. તેમણે પ્રાર્થના કરી છે કે, તમે વિઘ્નહર્તા અને તમામ પ્રકારના વિઘ્નો અને બુરાઈઓનો નાશ કરનારા છો. હવે નવી શરૂઆતના દેવતા, અમને આ કપરા સમયમાં તમારા આશિર્વાદની જરૂર છે, અમને આ મુશ્કેલીઓમાંથી બહાર લાવો અને લોકોને સારું સ્વાસ્થ્ય આપો તથા વિશ્વને નિયંત્રિત કરો. જય ગણેશ.

ટીના અંબાણી એક વર્ષ પહેલા સોશિયલ મીડિયા પ્લેટફોર્મ ઈન્સ્ટાગ્રામ જોઈન કર્યું હતું. તેઓ સોશિયલ મીડિયા પર ઘણા એક્ટિવ છે અને પોતાની અને પરિવારની તસવીરો અપલોડ કરતા રહે છે. આ ઉપરાંત તેઓ પોતાના પ્રિયજનોને સોશિયલ મીડિયા પર જન્મ દિવસની શુભેચ્છાઓ પણ પાઠવતા રહે છે. વર્લ્ડ ફોટોગ્રાફી ડે પ્રસંગે ટીના અંબાણીએ પોતાના સાસુ-સસરા કોકિલા બેન અને ધીરૂભાઈ અંબાણી, પતિ અનિલ અંબાણી, પુત્રો જય અનમોલ અને જય અંશુલ તથા ભત્રીજી ઈશા અંબાણી, શ્લોકા મહેતા અને અન્ય પરિવાર અને મિત્રોની તસવીરોથી બનેલો એક વિડીયો શેર કર્યો હતો.

મુકેશ અંબાણીના નાના ભાઈ અનિ અંબાણી દેવાળીયા થઈ ગયા છે અને તેમની સામે કાયદાકીય કાર્યવાહી ચાલી રહી છે. 21 ઓગસ્ટે નેશનલ કંપની લો ટ્રિબ્યુનલ (એનસીએલટી)ની મુંબઈ બેન્ચે અનિલ ધીરુભાઈ અંબાણી ગ્રૂપ (એડીએજી)ના ચેરમેન અનિલ અંબાણી સામે દેવાળિયા પ્રક્રિયા શરૂ કરવાની મંજૂરી આપી છે. અનિલ અંબાણીએ રિલાયન્સ કોમ્યુનિકેશન (આરકોમ) અને રિલાયન્સ ટેલીકોમ ઈન્ફ્રાસ્ટ્રક્ચર (આરટીઆઈએલ) માટે પર્સનલ ગેરંટી પર સ્ટેટ બેંક ઓફ ઈન્ડિયા પાસેથી 1200 કરોડ રૂપિયાની લોન લીધી હતી.