IAS કપલ ટીના ડાબી અને અતહર આમિરે કર્યો અલગ થવાનો નિર્ણય, ચર્ચામાં રહ્યા હતા આ લગ્ન

વર્ષ 2015માં ભોપાલના રહેવાસી ટીના ડાબીએ યુપીએસસીની પરીક્ષામાં ટોપ કર્યું હતું. ટીના ડાબીએ 2015 બેચમાં સેકન્ડ ટોપર રહેલા અતહર આમિર સાથે લગ્ન કર્યા હતાં. આ દરમિયાન ટીના ડાબી ખૂબ જ ચર્ચામાં રહ્યાં હતાં. ફરી એકવાર ટીના ડાબી ચર્ચામાં આવ્યાં છે. ટીના ડાબી અને અતહર આમિરે જયપુરની ફેમિલી કોર્ટમાં ડિવોર્સની અરજી દાખલ કરી છે. હકીકતમાં બન્નેએ એકબીજાથી અલગ થવાનો નિર્ણય કર્યો છે.


ત્રણ વર્ષ સુધી એકબીજાને કર્યું ડેટિંગ
ત્રણ વર્ષ સુધી એકબીજાને ડેટ કર્યા પછી કાશ્મીરની સુંદર વાદીઓ વચ્ચે બન્ને હંમેશ માટે એકબીજાના થઈ ગયા હતાં. ટીના અને અતહરે કાશ્મીરના સૌથી વધારે લોકપ્રિય ટૂરિસ્ટ ડેસ્ટિનેશન પહેલગામમાં લગ્ન કર્યા હતાં. એક રિપોર્ટ અનુસાર ટ્રેનિંગ દરમિયાન જ અતહર અને ટીના એકબીજાની નજીક આવ્યા હતાં.

ભીલવાડામાં મળ્યું હતું પહેલું પોસ્ટિંગ
કાશ્મીરના રહેવાસી અતહર આમિર ખાન સિવિલ સેવા પરીક્ષા 2015માં બીજા સ્થાન પર રહ્યાં હતાં. આઈએએસની ટ્રેનિંગ પૂરી કર્યા પછી ટીના ડાબીનું ઓક્ટોબર 2018માં ભીલવાડાના એસડીએમ પદ પર પહેલું પોસ્ટિંગ આવ્યું હતું.

ચર્ચામાં રહ્યા હતા લગ્ન, હટાવી હતી અટક
ટીના ડાબી યુપીએસસીની પરીક્ષા ટોપ કર્યા પછી ચર્ચામાં રહ્યાં હતાં. ટીનાએ લગ્ન પછી પોતાના સોશિયલ એકાઉન્ટમાં પોતાની બાયોગ્રાફીમાં 'ખાન' અટક લગાવીને કાશ્મીરી બહુનો ટેગ મેળવ્યો હતો. થોડા દિવસો પહેલા જ તેણે પોતાની અટકથી ખાન શબ્દ હટાવ્યો હતો. જે સાથે જ ટીનાએ પોતાના ફોલોઅર્સને એ બાબતની પણ જાણકારી આપી હતી કે, તેણે ટ્વીટર પર પોતાના પતિને અનફોલો કર્યા છે. આ સાથે જ ઈન્સ્ટાગ્રામ પર પણ તેણે પોતાના પતિને અનફોલો કર્યો હતો.