નવી દિલ્હીઃ ભાજપના વરિષ્ઠ નેતા લાલકૃષ્ણ અડવાણી, મુરલી મનોહર જોશી અને ઉમા ભારતી મંગળવારે CBIની વિશેષ કોર્ટની સમક્ષ હાજર થશે. અયોધ્યામાં મામલે ભાજપના આ નેતાઓ પર આજે આરોપ નક્કી થશે. આ ઉપરાંત CBI કોર્ટના વિશેષ જજ એસ.કે.યાદવે ભાજપ નેતા વિનય કટિયાર, વિહીપ નેતા વિષ્ણુ હરિ ડાલમીયા અને સાધ્વી ઋુતુંભરાને પણ કોર્ટમાં હાજર રહેવા આદેશ કર્યો છે. કોર્ટે કહ્યું હતું કે, હવે છૂટવા કે સુનવણી સ્થગિત કરવા માટે કોઈ આવેદન સ્વીકારવામાં નહિ આવે.
બે વર્ષમાં સુનાવણી સમાપ્ત કરવા નિર્દેશ
કોર્ટ અયોધ્યાના વિવાદિત ઢાંચાને તોડવા મામલે બે અલગ અલગ કેસની સુનવણી કરી રહી છે. મહંત નૃત્ય ગોપાલ દાસ, મહંત રામ વિલાસ વેદાન્તી, વૈકુંઠ લાલ શર્મા ઉર્ફે પ્રેમજી, ચંપતરાય બંસલ, મહંત ધર્મદાસ અને સતીષ પ્રધાનને પણ આ મામલે કોર્ટમાં બોલાવવામાં આવ્યા છે. આ પહેલા સુપ્રિમ કોર્ટે 19 એપ્રિલના રોજ નિર્દેશ આપ્યો હતો કે, અડવાણી, જોશી અને ઉમા સહિત તમામ આરોપીઓ વિરૂદ્ધ બાબરી મસ્જિદના ધ્વંસ માટે અપરાધિક ષડયંત્રનો કેસ ચાલશે. તેમજ સર્વોચ્ચ કોર્ટે મામલાની સુનવણી રોજ કરવામાં અને બે વર્ષમાં સુનવણી સમાપ્ત કરવાનો નિર્દેશ આપ્યો હતો.
શું છે મામલો
1992માં બાબરી મસ્જિદ તોડવાના મામલે 2 અલગ અલગ કેસ દાખલ કરવામાં આવ્યા છે. જેમાં એક કેસ કાર સેવકો પર જ્યારે બીજો કેસ મંચ પર ઉપસ્થિત નેતાઓ પર કરવામાં આવ્યો છે. જેમાં કાર સેવકો પર નોંધાયેલા કેસ માટે લખનૌમાં બે સ્પેશિયલ કોર્ટ શરૂ કરવામાં આવી હતી. જ્યારે બીજો કેસ રાયબરેલીમાં ચાલી રહ્યો હતો. જેમાં નેતાઓ વિરૂદ્ધ અપરાધિક ષડયંત્રની કલમ લગાવવામાં નહોતી આવી પરંતુ પાછળથી કોર્ટની મંજૂરી સાથે જોડવામાં આવી હતી.
સર્વોચ્ચ અદાલતે ષડયંત્રનો ગુનો દાખલ કરવા કહ્યું
રાયબરેલીમાં ચાલતા કેસને પણ લખનૌ ટ્રાન્સફર કરવા માટે માગ કરાઈ હતી જોકે અલ્હાબાદ હાઈકોર્ટે આ અંગે પરવાનગી આપી નહોતી. જે બાદ રાયબરેલીમાં ચાલતા આ કેસમાંથી કાવતરાની કલમ દૂર કરવામાં આવી હતી. અલ્હાબાદ હાઈકોર્ટ આ કેસમાં ટ્રાયલ કોર્ટના ચુકાદાને યોગ્ય ઠેરવતા અપરાધીક કલમ લગાવવાની સીબીઆઈની અરજીને ફગવી દીધી હતી. જોકે બાદમાં સીબીઆઈ સુપ્રીમ કોર્ટમાં પહોંચી હતી. જેના સંદર્ભે 19 એપ્રીલના રોજ સુપ્રીમ કોર્ટે CBI કોર્ટને આ મામલે આરોપીઓ વિરૂદ્ધ કાવતરાનો ગુનો પણ જોડવા સુચના આપી હતી.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.