જાણો, એક ટ્રાન્સજેન્ડરની ભીખ માગવાથી લઈને જજ બનવા સુધીની પ્રેરણાદાયક કહાની

I am Gujarat

મહેનતથી હાંસલ કરી સિદ્ધિ

કહેવાય છે કે વ્યક્તિ પોતાની મહેનતનાં બળ પર કોઈપણ લક્ષ્ય હાંસલ કરી શકે છે. આ કહેવત ટ્રાંસજેન્ડર જોઈતા મંડલ માટે એકદમ સાચી નીવડી છે. જોઈતા મંડલની જજ તરીકેની નિમણૂંક માત્ર ટ્રાન્સજેન્ડર્સ માટે જ નહીં પરંતુ સમગ્ર દેશ માટે ખુશીનાં અવસરસમાન હતુ.

મહેનતથી મેળવી સફળતા

જોઈતા મંડલ આ પદ સુધી ઘણી તકલીફો સહન કરીને પહોંચી શક્યાં છે. તેઓ શરૂઆતમાં ભીખ માંગતા. ત્યારબાદ સોશિયલ વર્કનું કામ શરુ કર્યુ. ત્યાર પછીનાં સમય બાદ ઘણી મહેનત કરીને તેઓ આ પદ સુધી પહોંચ્યા છે.

પ્રથમ જજ

ટ્રાન્સ વેલફેર ઈક્વિટીનાં સંસ્થાપક અભીનાએ જણાવ્યું હતું કે,’એવું પ્રથમવાર બન્યુ છે કે કોઈ ટ્રાન્સજેન્ડર સમુદાયનાં વ્યક્તિને આવી તક મળી છે.’

સ્ટ્રગલ

જોઈતાની ઑફિસ એ બસ સ્ટેન્ડથી માત્ર થોડીક જ દૂર છે જ્યાં તેમને ક્યારેક ઉંઘવુ પડ્યું હતુ, એક હોટલે તેમને ટ્રાન્સજેન્ડર હોવાને કારણે રુમ આપવાની ના પાડી દીધી હતી. આ ઘટના બાદ તેમણે પોતાની જેવાં લોકો માટે કંઈક કરવાનું ધારી લીધું.

લોકોને છે આશા

જોઈતા દિજનાપુર નોતુન આલો સોસાયટીનાં ફાઉન્ડિંગ ચેરમેન છે. તેમનાં ફેસબુક પર તેમનાં મિત્રો અને અન્ય વ્યક્તિઓ શુભેચ્છા પાઠવી રહ્યાં છે. તેમજ લોકોને પણ જોઈતાની નિમણુંકને કારણે ન્યાયની ગુણવત્તામાં સુધારો આવે તેવી આશા છે.

શું જણાવે છે જોઈતા?

જોઈતા તેની નિમણુંક અંગે જણાવે છે કે જજ તરીકેની મારી નિમણુંક લિંગભેદી સમાજ માટે એક કડક સંદેશા સમાન સાબિત થશે.