નવભારતટાઈમ્સ.કોમ, નવી દિલ્હીઃ પાંચ રાજ્યોની વિધાસભા ચૂંટણી પહેલા શનિવારથી ભાજપની રાષ્ટ્રીય કાર્યકારરિણીની બે દિવસની બેઠક થવાની છે. આ બેઠકનો મુખ્ય એજન્ડા વિધાનસભા ચૂંટણી રહેશે. આ બેઠકમાં સવર્ણો વિરુદ્ધ દલિત મામલે ચિંતામાં પડેલી પાર્ટી કોઈ વર્ગ વિશેષના પક્ષ કે વિપક્ષમાં બોલવાના બદલે સમરસતાનો સંદેશ ફેલાવવા પર ભાર આપી શકે છે. એવું પણ માનવામાં આવી રહ્યું છે કે, દલિતોની વચ્ચે પોતાનો સંદેશ પહોંચાડવા માટે પાર્ટી પહેલી વખત પોતાના રાષ્ટ્રીય કાર્યકારિણી બેઠક દિલ્હીના આંબેડકર ઈન્ટરનેશનલ સેન્ટરમાં કરવા જઈ રહી છે. ભાજપની આ બેઠક દિવંગત દિગ્ગજ નેતા અટલ બિહારી વાજપેયીને સમર્પિત હશે.
શું હશે બેઠકનો એજન્ડા?
આ બેઠકમાં પાર્ટી મધ્યપ્રદેશ, રાજસ્થાન, છત્તીસગઢ, તેલંગાણા અને મિઝોરમને લઈને પોતાની રણનીતિ તૈયાર કરશે. ભાજપના સૂત્રોએ જણાવ્યું કે રાષ્ટ્રીય કાર્યકારિણીની બેઠકની થીમ ‘સદૈવ અટલ’ હશે અને તેની શરુઆથ અટલજીને શ્રાદ્ધાંજલિ આપવા સાથે થશે. એક સિનિયર ભાજપના નેતાએ કહ્યું કે આંબેડકર ઈન્ટરનેશનલ સેન્ટર અટલમય થઈ જશે.
વાજપેઈ વગર પહેલી રાષ્ટ્રીય કાર્યકારિણી
ભાજપના પ્રવક્તા શાહનવાઝ હુસૈને કહ્યું, ‘આ રાષ્ટ્રીય કાર્યકારિણીની પહેલી મીટિંગ હશે, જેમાં વાજપેયી અમારી સાથે નહીં હોય. ત્યાં સુધી કે તેઓ બિમાર હતા, ત્યારે પણ હમે વિચારતા હતા કે તેઓ અમારી સાથે છે. ભાજપે તેમના માર્ગદર્શનમાં જ આ ઊંચાઈઓને સ્પર્શી છે.’ કાર્યકારિણીની બેઠકની શરુઆત પાર્ટી ચીફ અમિત શાહના સંબોધનની સાથે શરુ થશે. તેઓ તેઓ દલિતો સાથે જોડાયેલા મુદ્દા પર પણ બોલી શકે છે, જેને લઈને હાલ રાજકારણ ગરમાયું છે.
‘અર્બન નક્સલિઓ’ની ધરપકડ પર થશે ચર્ચા
એનડીએ સરકારના કાર્યકાળમાં જ બનાવાયેલા આંબેડકર ઈન્ટરનેશન સેન્ટરમાં ભાજપ એટલા માટે બેઠક બોલાવવા માગે છે જેથી દલિતોની વચ્ચે સંદેશ પહોંચાડી શકાય. આ બેઠકમાં ઘરેલું અને વિદેશ નીતિ સાથે જોડાયેલા મુદ્દા પર એક રાજકીય પ્રસ્તાવ પણ પસાર કરવામાં આવશે. આ સિવાય ‘અર્બન નક્સલિઓ’ની ધરપકડ અને તેના પરિણામો પર પણ ચર્ચા થશે. આ પ્રસંગે જે રાજ્યોમાં ચૂંટણી છે તે રાજ્યો અમિત શાહને રિપોર્ટ સોંપશે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.